Pyniap ka samla pule ka IIM ialade

Shillong, 5 Nohprah:
Ka samla pule jong ka IIM, Shillong ka la pyniap ialade hapoh ka kamra ba ka sah ha Lawjynriew, Nongthym-mai, la lap ia ka metiap jong ka mynta ka step ha ka por 11:15 baje hapoh ka kamra sah jong ka. Katei ka saml a ka dei kaba la tip kyrteng kum ka Shalini S Raju na Kollam, Kerela. Ka dei ka khynnah pule PGP 1st year kaba dang shu rung mynta u snem ha katei ka jaka pule ha u jylliew 2016. Ki pulit ki la lap ia ka shithi ba katei ka samla ka thoh balei ka pyniap ialade kaba la ong ba dei na ki daw shimet jong ka hi kaba pynlong ba kan shim la ka jong ka jingim Hynrei ki pulit ki la ong ba ki hap ban tohkit bha ia katei ka jingjia, ia ka metiap jong ka la pynkit sha NEIGRHIMS ba nleh ia ka post mortem bad ba tip ia ka daw jong ka jingiap.