“Pyniap hi u Bah PJ Marbaniang ba pynshit ki san ngut”

Shillong, 08 Risaw:
Ka kynhun tohkit halor ka jingiap u Sub-Inspector ka Pathar khmah Police Outpost u Bah PJ Marbaniang ka Special Investigating Team (SIT) ka la ong ba une u heh pulit u la shah
pynshit ban pyniap hi namar ka jingshah tynjuh.
“Ka jinglap jong ngi katkum ki sakhi satar la shem ba u pyniaid hi namar ka jingshah tynjuh bad ka jingpynshit kiwei. Ngi la kem san ngut ki briew kiba donkti ban pynshit haduh ba u Bah Marbarniang un shim ia
la ka jingim” la ong u SP (Crime) ka East Khasi Hills u Bah Vivek Syiem uba khlieh ia kane ka jingtohkit.Ki san ngut kiba shah kem ki kynthup ia u Granville Hardy Passah (39 snem) uba dei u Block Development Officer (BDO) ka Jirang BlockDeveloment office, u Centerwell Doloi (36 snem) u Sordar kaSohkyrbam-Domphlang, Ri-Bhoi bad u president ka FKJGP Western zone, uShemphang Nongtri (32 snem) bad u Lawyer Syngkli (43 snem) baroh arngut na shnong Umkynsir, Ri-Bhoi bad u dkhot ka FKJGP u Comingstar Kharbani (46 snem) na Patharkhmah uba dei ruh u kontraktor.U Bah Vivek u la ong ba kine san ngut ki la shah kem ki dei kiba lehbaheh bha ha katei ka thain. U Bah Vivek u la ong ba ka dei kajingshisha ba ha katei ka miet ha ka 23 tarik bad 24 tarik Kyllalyngkot, u Bah PJ Marbaniang u la bat kumba 30 tylli ki tok kit dewiong beain.U la ong ba namar ba u bat ia ki trok ka la ktah ia kitei briew kiba shah kem bad ki la thaw lad ban pynkulmar ia u ban thaw jingeh haduh ba un shim ia la ka jingim. Ia kine kiba shah kem la rah sha u Chief Judicial Magistrate (CJM) ha Nongpoh mynta ka sngi bad la don 14 sngi ha ka judicial custody.
U Bah Vivek u la ong ba ha ka jingtohkit da ka SIT kitei ki briew ki la bat ia ki kali kit dewiong ha shi lynter ka surok ban lum pisa beain. “Ngi la ujor hynriew tylli ki FIR pyrshah ia kine ki briew ba shah kem kynthup ia ki heh sorkar, ki pulit, bad u BDO Jirang ha Nongpoh police station,” la ong u Bah Vivek. U la iathuh ba kine ki briew ki lum pisa beain na ki trok kit dewiong kiba wan na ka thain West Khasi Hills sha Assam. U la ong ba ka kaiphod jong ka jingtohkit kaba 974 sla yn aiti sha u CJM Court ha Nongpoh lashai ka sngi.