La iathuh ba ka Iran, ka dei ka ri, kaba pyniap briew bun eh, da kaba sdien phasi bad katei ka kynthup ia kito kiba ia shong tnga para shynrang kynthei bad kiba dih kyiad lem bad kiwei ki kam pyrshah, ong ka khubor jong ka The Sun.
La iathuh ba ka rukom pyniap ruh, kam dei kaba pyniap suk ia u briew, hynrei ka dei kaba da pyndik sat ha shwa, ba u ne ka briew kin dkut mynsiem.
Ha kane ka taiew, ka Iran, ka kam ba ka la ioh kem ia 17ngut ki syntiat jong ka CIA bad kitei ki hap ha ka rai ban sdien phasi ia ki.
La iathuh ba ha u snem ba ladep, ki la don 273ngut ki briew kiba la shah pyniap, ha ki rukom pyniap kiba i shyrkhei shibun. Tangba ka jingkhein ba shisha, la antad, ba kan kham heh, namar ba ki don shibun ki jing pyniap kiba la buhrieh.
Ha u snem 2018, la iathuh ba ki don hynriew ngut ki khynnah rit kiba la shah pyniap, arngut ki khynnah kynthei kiba ia poi kha khynnah bad kiba pyniap ia la ki jong ki tnga. La iathuh ba ki don ki khynnah kiba khat ar snem ka rta, kiba la shah sdien phasi.
Phi don ban ong eiei?