Pyniakhun MDC, u MLA Mawryngkneng da u Bah Lik

Shillong,
30 Kyllalyngkot:
U MLA ka Maw ryngkneng konstitwensi, Bah David Nongrum u la rai ban pyniakhun MDC ia u Bah Teilang Hollikstar Lawai ba ju khot kum u Bah Lik, kum u kyrtong shimet na Sohryngkham konstitwensi.
Ki paidbah nongkyr shan jong u Bah David kiba la wan poi kumba lai spah ngut kiba kynthup ia ki rangbah, ki longkmie bad ki samla hynne ha ka jingialang ha iing u bah David ha Laitumkhrah, ki la rai ban pynieng kyrteng ia u Bah Lik.
Lah ban kdew ba u Bah David uba dei u khun jong u MLA barim ka Sohryngkham, u Bah Charles Pyngrope u la jop kum u MLA shimet na Mawryngkneng hadien ba u la duh tiket na ka Congress ha ka elekshon ba la dep.
Kham mynshwa, u bah David u la ong ba u la bthah iaki briew jongu kiba kwah ban iakhun elekshon MDC na ka Congress. Hynrei ka Congress ka la ai ha u MDC ba mynta u Bah Marbok Kharpran.
Ha katei ka sngi, u Bah David u la pynbna paidbah ruh ia ka kaiphod treikam ka jong u haba iadei bad ki skhim bapher bapher kiba u la sam sha ki paidbah.
U la sam ruh ia ka jingiarap sha ki lai ngut ki riew tymmen.