Pyniaid saikil ka Sanker ban iada pyniap hi Man ka 40 sekhon pyniap hi ki briew ha India

Shillong, 10 Nailur:
Ban pynsngewthuh ban pynshai ia ki paidbah ba kim dei ban shim ne pyniap hi ia la ka jingim, ka Sanker Centre ka la pynlong ia ka jingpyniaid rali da ki saikil bad ka jingiaphylliew jingmut hynne ka sngi Balang kaba dei ka sngi rakhe kum ka sngi iada pyniap hi ne ka World Suicide Prevention Day.
Haba kren ha ka jingiaphylliew halor kane ka phang u Dr Sandi Syiem ka Sanker Centre u la ong ba kam don da kawei pat ka dawai ban weng ia ki jingeh jong ka jingpyniap hi ban ia ka jingtei ia ka jingiajan bad ka jingiadei hapdeng ki briew.
“Ka jingbun ki briew kiba pyniap hi, ki briew kiba sngew ba shah pdiang ha ka imlang sahlang kim ju leh ia kam pyniap hi” Dr Syiem haba kren ha kane ka sngi.
Une u doktor uba seng ia ka Sanker u la ong ba man ka 40 sekhon, la don uwei u nongpyniap hi ialade ha ka pyrthei bad ha man kane ka 40 sekhon la don beit kiba pyrshang ban pyniap hi ialade.
U la buh jingkylli kiba leit leh research ia ka jingpang bampong hynrei katno don kiba leh research na bynta kiba pyniap hi ialade.
Katba ka Doktor na NEIGRIHMS kaba dei ia ka tnad psychiatry ka Dr Sonali Shinde Tesia, ka la iathuh ba 60 percent kiba pyniap hi ialade ha kane ka jylla Meghalaya tang ha u snem 2012-13 kiba dei hapdeng ka rta 15 haduh 29 snem bad ka daw kadei namar ka jingpang ktah khlieh, ka daw shimet bad ka kiba iadei bad ka imlang sahlang.
Katkum ka rekod ba la pynlait da ka National Crime Records Bureau, ka la ong ba la don 1.3 lak ngut kiba pyniap hi ialade ha u snem India ha u snem 2012, kaba iaryngkat 15 ngut man ha ka shi kynta bad la don uwei uba pyniap hi ha man ka 40 sekhon ha ka pyrthei katkum ka jingkhein ka World Health Organisation.
Ka Dr Tesia ka la ong ba ka jingpyniap hi ialade ka dei ki nongpyniap ba shyrkhei bha ha ka pyrthei bad ka jingdon kiba pyniap hi ialade, ka jur bha na kane ha ka pyrthei la kat ka thma.
Katkum ka WHO, ka la ong ba la don kumba shi million kiba pyniap hi ialade ha u snem 2012.
Katba u nongiasaid ain u SS Dey u la ong ba ka ain halor ka jingpyniap hi ialade kam pat treikam ha India.
“Ngi dang pyrthuh ia ka ain jong ki phareng kaba pynngat kam beain ia ka jingpyniap hi ialade. Ka la don ka jingpyrshang ban pynkylla ia ka kyndon 306 haduh 309 jong ka Indian Penal Code (IPC) ban pynduh ia ka ain jong ka jingpyniaid hi ialade hynrei haduh mynta khlem pat leh eiei”, la ong u Dey.
Shwa ia kane, la don kumba 50 ngut ki nongniah saikil kiba iashim bynta ha kane ka sngi da kaba iaid 14 km kum shi bynta ban khang lad ia kane ka jingthmu ban pyniap hi ialade.
Ia ka jingiaid saikil la pynlong ha ki bynta ka Mawlai Mawroh, Golf Links, Polo, Nongmynsong bad kiwei ki jaka da kaba pynkut ha SAN-KER.