Shillong:Ka central puja committee ka la buh ka jingkyrpad ia ki tnat sorkar bapher bapher jong ka jylla ba kin ai ka jingiatreilang, ha kane ka Durga Puja ban wan bad kan long ruh kaba ai jing myntoi bad iarap ia ki paid riewngeit hindu ha ka jylla khamtam lei ha Shillong. Ka central puja committee ka la buh ka jingkyrpad ia ka ophis jong ka Deputy commissioner jong ka East khasi hills, ba da ka jingbthah ka jongka ban shah ba ki bus saw (SPTS)kin iaid ha Shillong haduh ka por 11baje mynmiet, naduh ka 2tarik haduh 4tarik jong u bnai Risaw 2022, ha ki katto katne ki jaka ba la jied da central puja committee bad ha Shillong hi baroh kawei.
Ki la buh ruh ka jingkyrpad lyngba u Secretary jong ka MUDA lyngba u superintendent of police jong ka East khasi hills district ban plie ia baroh ki parking lot ne jaka ieng kali kum ha police bazar,Polo,Luckier Road bad kiwei kiwei ki jaka haduh 11baje ha ki tarik 2 bad 4 Risaw. Ka central puja committee ka lah kyrpad ruh ia ka Tnat public works department (PWD) ban pynbha ia ki katto katne ki surok ba sniew ban siangrong bad pynbha. La kyrpad ruh ia ka tnat MeECL Shillong division, Muncipal ba kin ym pynjah iaki bording electric bad pynbha ruh ia ki katto katne ki Street light ki bym shym la trei kam bad sniew, ym tang ha ka por puja, hynrei wat hadien ka puja ruh.
Ka central puja committee ka la iathuh, ba katkum ka jingialang ba lah dep lah shim ruh ia ka rai ba la shim da ka committee bad ki bor distrik ki puja mandai kin pyndonkam da ki close circuit television (CCTV), ki tdem pynlip ding, ki first-aid box bad ki jaka bret ñiut habaroh ki puja mandal.Ka central puja committee ka iathuh ruh ba kan buh ruh kumba 100ngut ki volunteer ha ki Puja mandal ryngkat ka jingtrei lang bad ki pulit jong ka nongbah Shillong.
Kumno Da u nong Wei u nud ban dawa. Kane kam dei ka state jong ki Hindu, Hooid ngi burom ia ka constitution jong ka ri, hynrei ki ba halor bad ki ba bat ia ka ain kin shim ia ka rai ba u bar jylla um dei ban ioh rung Pathar ha poh ka jylla jong ngi.