Shillong: Ka kynhun jong ki shipai suin Eastern Air Command mynta ka sngi ka la pynlong ia ka “Air Fest’ ha Hynniewmer Upper Shillong, kum shibynta ban rakhe ia ka Diamond Jubilee jong kane ka tnad shipai suin ha ka ba ka la pyni nam ia ki liengsuin bad kum juh ia ki helicopter.
Ka Air Fest, ka dei ka sien kaba nyngkong eh ha ka ba la pyninam ha kane ka dong shatei lam mih ngi jong ka Ri India, ha Shillong ia ki helicopter “Sarang” kiba la pynhun ia ki hajar ngut ki paidbah kiba la poi sha katei ka jaka ban peitkai ia ki.
Na ka liang jong ki shipai suin mynta ka sngi ki la iathuh ba ka long ka sien kaba nyngkong ban pyninam ia ki helicopter Sarang ha North East, bad ka dei ruh ka sien kaba nyngkong na ka bynta kine ki shipai suin ruh ban pynher ia ki ha ki jaka kiba jrong kum ha Shillong.
Nalor kitei ki Helicopter Sarang, la pynher ruh ia ki liengsuin ia pom ki Su-30 MKI multi-role fighter aircratt kiba don ha ktem shipai suin ha Chabua jong ka jylla Assam, la pyni ruh ba kumno la pyndonkam ia ka Mi-17 da ki shipai commando.
Phi don ban ong eiei?