Pyni khyllew U Mayweather, ia ka tyngka pliah kaba haduh 2 million dollar

U Floyd Mayweather, u pyni khyllew ia ka spah jongu, kaba u don haduh $2million da ka tyngka pliah, ha kaba ula pyni ha ki social media.
U Mayweather, u dei u nong ia kura, uba la pawnam ha ka pyrthei, ha kaba um ju shah rem, ha ki jingialehkai jongu, ha ki 50 sien kynthih, ba ula iakhun bad shibun ki rang ia kura bapher.
U Mayweather, u pyni ia ka pisa, kaba da ki $100 bad kitei baroh ki poi sha ka £1.4million.
Nangta u pyni sa ka medal ksiar, kaba don ha ka ryndang jongu bad nangta sa ka baje, kaba la ju deng da U Arnold Schwarzengger, kaba ym ju kham don ba pyndonkam, kaba shongdor £52,702. Nangta u pyni sa ki $20, kib kot sha ka $200,000 (£159,000).
La antad ba ka spah jong U Mayweather, uba don 42 snem ka rta, ka long hapdeng ka £557m haduh £795m bad la ju kynnoh, ba u dei u briew, uba ju leh khyllew bad pyni briew ia la ka jong ka spah.
U Mayweather, u don ia kawei ka jet, kaba u ju leit jingleit, u don shibun ki maw lynnai, shibun ki kali remdor bad sa ka jaket kaba remdor shibun.