Shillong: Mynta ka sngi ha ka jingialang jong ka kynhun myntri, ka la shim ia ka rai ban pynhiar ia ka khajna jong ka kyiad na ka 40% sha ka 37.5% katba ka bai kit kaba la shim 25% la pynhiar biang sha ka T.2 tyngka kumba long mynshuwa.
Haba ia kren bad ki lad pathai khubor, na ka liang u symbud myntri rangbah ka jylla u Bah Prestone Tynsong, u la iathuh ba ha jingialang jong ki kynhun myntri la shim ia ka rai ban pynhiar ia ka Khajna jong ka kyiad sha ka 37.5 % bad kumjuh ia ka baikit kaba ki la shim 25% kin shim biang ha ka dor ka rim, kata kan long 2 tyngka bad da kane ka jingpynhiar ia ka khajna ka sorkar kan duhnong T.80 klur haduh T.85 klur tyngka ha ka shisnem.
U bah Prestone u la iathuh ruh ba ka long ka jingduh ia ka sorkar jylla, hynrei namar ba hap ban ia beh ia ka iew, kumba long lem kiwei ki jylla ka sorkar ka la shim ia kane ka rai. U la ong ba ha ka jylla Assam ka la pynhiar ia ka dor khajna jong ka kyiad, kumta ka sorkar Meghalaya ruh kan hap ban pynhiar lang khnang ba kan nym ktah ia ka iew.
Byrngem ki nongdih tang shi sien ha ki lad pathai khubor lah pynhiar dor ia ka bai kyiad, hynrei ban pynhiar ia ka dor petrol/ diesel Trai bad nong ñiah kali hap mih madan bad iakhih da ki taiew. Wow!!!! ko sorkar tung rymbai.