Pynhiar bai kali biang, kum ha shwa ka khlam covid, pynmih hukum ka sorkar jylla

Shillong:Ka Transport Department, Government of Meghalaya, ka la pynmih ia ka jingbthah mynta ka sngi, ba ka jingbthah ia ka rukom shong kali ha ki bos, ki sumo, ki maxi, ki taksi, ki auto rickshaw bad ki ar shaka, kan phai biang, sha kaei kaba la ju pynbeit naduh mynshwa bad kan dei, katba kum kum ki kyndon jong ka Motor Vehicles Act bad katei ka dei, hadien ba la buh kyndon, na bynta ka jingwan ka khlam Covid. La bthah ruh, ba ka bai kali ia baroh ki kali, kan long biang hi kumjuh, kum mynshwa, ha shwa jong ka por jong ka jingwan ka khlam covid bad la bthah, ba katei kan treikam, naduh mynta hi, ong ka khubor, na U Commissioner & Secretary to the Government of Meghalaya, Transport Department.