Pynher shithi U CEM ka GHADC sha u Lat, namar U Conrad

Shillong, 28 K’lyngkot:
Namar ka jing pynslem khnang ka sorkar ban bat sah ia ka kyrteng jong u Conrad K Sangma uba la phah da ka GHADC ban long u MDC shu sieh, na ka liang u CEM ka GHADC u Desang Sangma mynta ka sngi u la phah ia ka shithi sha u Lat ka jylla ba un pdiang noh ia u Conrad katkum ka rule jong ka GHADC kaba la ai bor ha u Lat.
Ha ka shithi ba la phah sha u Lat ka jylla, u CEM ka GHADC u la ong ba katkum ka Rule 6 (1) ka GHADC, ka la ai bor ia u Lat ka jylla ba un pdiang ia u MDC shu sieh uba la phah da ka Executive Committee (EC) ka GHADC khlem da donkam ban ap ia ka sorkar jylla.  Ka EC ba ialam da ka NPP ha GHADC ka la shim ia kane ka lynti iaid hadien ba ka sorkar ka la shu bat kai ia ka kyrteng jong u Conrad haduh lai eiei mynta ha Secretariat khlem phah sha u Lat.
Ia kane ka shithi la dep phah kopi ruh sha u Commissioner  & Secretary ka District Council Affairs u Bah Jopthiaw Lyngdoh.