Pynher liengsuin biang ka NEC, na Shillong sha Kolkata

Shillong, 4 Naitung:
Ka North Eastern Council (NEC) ha kane ka sngi Thohdieng ka la bthah ia ka Alliance Air ba kan bteng biang ban pynher liengsuin na Shil long sha Kolkata Sector bad ia kane ka jing pynbeit thymmai yn siew ha u Nohprah, 2014.
U Executive Engineer (T&C) u M. Kalita u la ong ba namar ba ka Alliance Air kam shym la lah ban iaid sha Lilabari bad Tezpur ki jaka bym don ba her liengsuin, ka NEC ka la iasoi soskular noh bad ka M/s Seven Sisters Airline ban pynher liengsuin ha ki jaka bym pat don ki liengsuin ba her ban ai ia ka jingshakri ha kane ka thain shatei lammihngi ka India ha kaba ka Umroi Airport, Shillong kan dei jaka pdeng.
Kane ka jingong na ka NEC ka long hadien ba ka Alliance Air, kaba dei ka tnad kaba hap ha ka Air India, ka la sangeh ban pynher liengsuin na Shillong naduh ka 1 tarik Jylliew hadien ba la kut ka jingiasoi soskular ha ka 31 tarik Jymmang bad haduh mynta ka kad liengsuin ka la shong thylli.
U la ong ba ka NEC ka mang ban ker kynroh ia ka kad liengsuin Umroi bad ka don ka jingthmu ban man pisa ban shna ia ka jaka ap bad pyniar ia ka jaka mareh ki liengsuin haduh 1500 phut.
“Kine ki jingtrei bad ka jingbuh ia ka ILS yn sdang hadien ba la dep ban shim jaka bad ban aiti pat sha ka Airport Authority of India (AAI) da ka sorkar Meghalaya”, u la ong.