Shillong:Ka ophis jong ka Nehru Yuva Kendra, Shillong kaba hap hapoh ka Ministry of Youth Affairs and Sports, Govt of India ka lah ban pynlong ïa ka Youth Club Development campaign ha Mawpat Block naduh ka 8tarik Naiwieng, 2021 bad ka la lah ban pynhap pyrda, ha ka 12tarik Naiwieng, 2021 da u kongsan u bah Pynïaid Sing Syiem, MLA ka Mawryngkneng Constituency.
Ha kane ka jingïalang ba la lah ban pynlong ha Indoor Stadium, Jingkieng Nongtymmai la wan ïa shim bynta da ki ba bun tylli Youth Clubs bad ki Seng Samla bapher bapher na ki 32tylli ki shnong kiba hap hapoh ka Mawpat Block.
Ka phang jong kane ka prokram, ka ïeng na ka bynta ban seng ne ban thaw (form) club thymmai bad ban pynskhem ia ki seng ne ki Youths Club kiba la don lypa bad ban pynmih shibun ki club ki ban pynkhlaiñ ïa ki samla ha ki liang bapher bapher kiba ka sorkar India ka ju pynshlur.
Ha kane ka jingïalang kaba la pynïaid da ka kong S. Rymbai bad ka kong B. Lyngdoh, kiba long ki NYV ka Mawpat Block, la ïoh ban ïoh ban ïa don lang da u bah D. Rapsang uba long Deputy Director ka NYKS Shillong ryngkat ruh u bah Pyniaid Sing Syiem u MLA ka Mawryngkneng Constituency uba long ruh kum u kongsan ha kane ka jingïalang.
La ïoh ïa ka jingkren bad jingpynshai na ka liang u bah D. Rapsang na ka liang ka NYKS halor ki scheme bad ki jingïarap kiba ka sorkar ka ai na ka bynta kine ki club ne ki seng bapher bapher bad ruh ka jingpynshlur na u bah Pynïaid Sing Syiem ha kaba ïa dei bad ka jingdonkam ban don ki Youths Club ha ka shnong ka thaw ban trei bad kyntiew ïa ka imlang sahlang ha ka shnong ka thaw hi baroh kawei.
Ki katto katne ki jingpynshai kiba bniah kiba la ïoh na u Deputy Director ka NYKS Shillong halor ka rukom treikam bad ka jinglong jingman kaba donkam ïa ki seng ki long ba ka youth club dei ban don ki executive body, ki dkhot kim dei ban duna ïa ka 7 ngut, ki dei ban don ki bank account bad Audit report, ki members ki dei ban long haka rta kaba 15-29 snem, ki Club ki dei ban don ïa ka memorandum of Association, bye laws.
Phi don ban ong eiei?