Shillong: Hynnin ka sngi, ka Nongpathaw Dong Mawmyrsiang ka la pynhap pyrda noh ia ka First Knockout Women Football Tournament 2019 ha ka shnong Nongpathaw, East Khasi Hills ha kaba ki kynhun kiba ialehkai ha kane ka Final ki long hapdeng ka Top 11 FC pyrshah ia ka Nongpathaw Sec. School.
Ha kane ka jingialehkai ka long kaba iakhaid da mar shi kol, ha kaba na ka Nongpathaw Sec. School ka la ioh ban pynkhih ia ka jar ha ka kylla step lyngba i samla Pynhun Shulet bad ha ka kylla miet ka Top 11 ka la ioh lad ban pynphai kylla lyngba i Ferisha Fancon. Namar ka jingialehkai jong ki ka la kut noh hapdeng ka jingiakhaid, kumta la rai ia ka rem ka jop da ka Tie breaker ha kaba ka Nongpathaw Sec. School ka la ioh ia ka jingjop da 5-4 Kol.
Ha kane ka sngi ka ioh ruh ban pynlong ia ka jingialang kaba lyngkot ba la pyniaid da u Rangbah shnong Nongpathaw ha kaba ka ioh jingkren na u Samla Bistarjune Marbaniang, Education Secretary Nongthliew Circle ha kaba u la kyntu ia ki nongialehkai ba don ka sap ba kin nang iaid shaphrang. La ioh ruh ka jingkren na u Rangbah Dong Mawmyrsiang, u Bah Riji Kharlor uba dei u Secretary Kur Nongneng Shanpru, na u Symbud Kongsan uba dei u Rangbah Kur Nongneng Shanpru bad ia ka bynta kum u Kongsan la shim da u Bah S.O. Kharjana.
Hashwa kane ka jingialehkai ka lah don ka jingialehkai Paralok Under 14 hapdeng ka Umthlong bad ka Nongpathaw ha kaba ka Umthlong ka la pynliem ia ka Nongpathaw da 1 kol.
Phi don ban ong eiei?