Shillong: Wat la hapdeng jong ka jing pynthut jong ka mariang kaba haduh katta katta, hynrei khlem kynran dien ka PYRSHANG DALADE LITTLE STAR FOOTBALL CLUB ka la ioh ban pyndep noh ia kane ka Riwar cup kaba 3sngi lynter.
Na ka liang ki shynrang: Ka Nongtyngur FC la rah ia ka nam lah duh pyrshah ia ka Mawshun football club da 1-0 ia ka bad na ka liang ki kynthei: ka Nongmadan Sports & Cultural Club ka la rah iaka nam jop pyrshah ia ka Mawlam women social welfare and sport organisation da ka 2-0.
Ia katei ka riwar cup football tournament la sdang naduh ka 24th, 25th haduh 26th Lber 2022 ha ryngkat ki jaka sah bad ki bam ba la pynbiang nabynta ka 3sngi lynter iabaroh ki players kynthei bad shynrang.
Ha ka sngi plie ia katei ka riwar cup kata ka 24th por 12bje shiteng sngi la wan ban long kongsan da ka Kong Erena Hynniewta, ha ka jingia don ryngkat lang u Rangbah Dong ka Nongjri PungWeikyian, u Doctor na ka Public Health Centre Wahsherkhmut, u Bah Joksing Khongshei, u Sir Nepen Diengdoh na ka shnong Umniuh-Tmar, ki Rangbah Shnong namar jan shnong, ki Matabor jong ka Nongjri Elaka, u President Seng Samla Kyntoit PungWeikyian, ki Coach na man la ki Club shnong kiba wan ialam
ia la ki player bad ha ka 26tarik, ka sngi pynhap pyrda ia ka Final kata ha ka jingiadon lang U President ka All Meghalaya Dancers Association Bah Kitbok Thabah, kum u kongsan (Chief Guest), u Sir Hendrick trai jong ka Kick start football coaching centre na Shillong lem bad ki players ki jong ki, Team jong ka Mei Mariang Channel, Sir Ferdinand ba shna ia ka jingrwai jong ka Ri War, Sir Reston Khongtani Chairman bad Founder jong ka REPSDO, ki member jong ka shnong Nongjri PungWeikyian bad u trai jong ka Donkupar Furniture uba la noh synniang ia ki Trophy na bynta ki players kiba leh bha bad U President ka Riwar Mihngi S.W & Sport Asosiation.
Na ka liang ki kynthei kiba iohrah ia ki khusnam bapher bapher hadien ka jing leh bha ka jongki
ha ki 3sngi lynter:
Kynthei:
Hero of the Tournament: Melaribha Lyngdoh na Shnong Mawshun.
Best skillful player: Kyrdamon Lyngdoh Mawphlang na shnong NongMadan.
Best goalkeeper: Wanling Buhphang Na shnong Pungweikyian.
Best Coach: Nohsa Khongshah na shnong Mawlam.
Best Team: umniuh Tmar football club
Na ka liang ki shynrang kiba iohrah iaki khusnam bapher bapher hadien ka jing leh bha ka jongki
ha ki 3sngi lynter:
Shynrang:
Hero of the Tournament: Wonderful khonglam shnong Mawshun.
Best skillful player: Isak Khongsam
Best goalkeeper: Banlambok lyngdoh Mawphlang Shnong Nongmadan
Best Coach: Peter Mawroh na Shnong Rana
Best Team: Nongjri Tluh Jamshaphrang sport club.
Ka jing ai khublei kyrpang ia ka kong Arena Hyniewta, Kong Grace Mary Kharpuri kiba lah ai jingkyrshan
nabynta ki cup, ia u Bah polestar Mawroh ba lah nohsynniang da ki khaw nabynta ka 3sngi lynter bad ruh na bynta ka team Kickstart fooball coaching ba la wan poi khnang naduh shillong ban ialeh kai Friendly match bad ka “Pyrshang Da Lade Little Star Football Club”.
Na ka liang u samla Muthok Khongmawloh u Founder & Chairman Pyrshang Da Lade & Little Star Football Club khlem da lah shuh ban jer kyrteng iabaroh u la ai khublei kyrpang eh iabaroh ki ba ia kyrshan bad iadon bynta lang ha kane ka Riwar Cup football tournament kaba ar, ong ka kyrwoh khubor ba la pyllait da u samla Welfare Nongrum Public Secretary Riwar cup.
Phi don ban ong eiei?