Pynduna nongtrei sa ka kompeni Maruti, ba hiar tasam ka jingdie kali

Manesar:Ka kompeni Maruti Suzuki India Ltd, ka la pynbna, ba ka pynhiar shi katdei ia ki nongtrei ba shipor jongka, na ka daw jong ka jinghiar tasam ka jingdie kali jongka ha kine ki sngi bad katei kan sa buh ia ka jingeh kaba khraw, ha ka ioh kam ioh jam ha ka ri baroh kawei, ong ka khubor.

Ka Maruti, ka dei kaba pynmih ia jan mar shiteng ki kali ha India bad la iathuh ba ka jinghiar jong ka jing pynmih kali ha kine ki sngi, ka dei kaba hiar palat than, ha kane ka shiphew snem ba ladep bad la iohi ba kane ka jinghiar ka jingdie kali, ka lah ba shimpor kham slem pynban.
Ka jubab jong ka Maruti Suzuki sha ka Reuters, ka iathuh ba ka don 18,845ngut ki nongtrei ba shipor, kiba kut trei ha ka 30tarik Jylliew bad kitei ki duna da 6 percent lane 1,181ngut, haba ia nujor bad u snem ba ladep. La iathuh ba ka jing pynduna nongtrei, ka la sdang naduh U Iaiong 2019.
Ka jing duh kam ha India, ka kiew sha ka 7.51 percent ha U Naitung 2019, na kaba long 5.66 percent ha u snem ba ladep, ong ka kaiphod jong ka CMIE. Katei ka jingkhein kam shym kynthup ia ki nongbylla sngi, ki nong trei wai. Haduh mynta ka maruti Suzuki, kaba la long trai da ka kompeni na Japan, ka iathuh ba kam pat pynduna haduh mynta ia ki nongtrei jongka, kiba don 15,892 ngut.