Pynduna ka RBI, ia ka dor ai ram sha ki Bank sha ka 4.4 percent

Ka Reserve Bank of India, ka la rai ban pynduna da 75 basis points, lane ka repo rate, ia ka dor jong ka jing ai ram jongka sha ki Bank, lane kaba long 4.4 per cent na kaba ju long 5.15 per cent. La ong shuh shuh ba ka reverse repo rate ruh, la pynduna da 90 basis lane 4 percent, na ka bynta ban pynneh ia ka jing long ka iew ka hat.

Katei ka rai jong U Governor ka RBI, U Shaktikantad Das, ka dei namar ba ka don ka jing hiar ka ioh ka kot ha ka Ri, na ka jingwan jong ka khlam Covid-19.

Ka RBI, ka la bthah ruh ia ki Bank, ba kin ailad na ka bynta ban buhteng haduh lai bnai kynthih, ban siew ia ki EMI, na bynta baroh ki ram ki sah, kiba dei ban siew ha ka 1tarik Lber 2020.