Pynduh noh ia ka jinglong trai shnong ki Kristan ha India, ong u riew niam Hindu

U nongialam niam hindu, U Jagadguru Paramhans Acharya Maharaj, u dawa ba dei ban pynbna ia ka India, kum ka ri jong ki Hindu, ha ka 2tarik Risaw, kaba dei ka sngi kha jong U Mahatma Gandhi.

Katba kum ka khubor jong ka ANI, ka iathuh ba utei u riew niam, ula byrngem ban pynlong da ka ‘Jal samadhi’ ha ka wah Sarayu, lada katei ka jing dawa jongu, kam urlong satia.

“Nga dawa ban pynbna ia ka India, kum ka ‘Hindu Rashtra’ ha ka 2tarik Risaw lane ngan pynlong da ka Jal Samadhi, ha ka wah Sarayu,” ong utei u riew niam ha Ayodhya. U dawa ruh ba ka sorkar India, ka dei ban pynduh noh ia ka jinglong trai shnong jong baroh ki Muslim bad ki Khristan, kiba shong ba sah ha India.