Pynduh ka Assam, ia ka ktien Rangbah Shnong, ujor ka KSU sha U CEM

Shillong, 8 Jylliew:
Ka Khasi Student Union Jaintia Hills District Unit, hadien ba ka la lap ba bun bah ki bar Jylla, ki wan khaii bad leh Benami ha Jaintia Hills khlem da ioh ia ka laisen khaii, na ka District Council; ka KSU JHDU ka la leit ia kynduh ia u CEM ka Jaintia Hills Autonomous District Council. Ha ba ia kren halor kane u EM ba dei peit ia ka Trading jong ka Jaintia Hills District Council halor katei ka phang u la kubur ba ki don ki shisha ki bar jylla ki ba wan khaii, khlem da ioh ia ka laisen khaii, na ka District council bad ruh ki don ruh ka baleh benami bad u la ong ba ka Council ruh ka la dep khynra ia ki dukan bar jylla bad ruh la lap ba ki don ki bym ioh ia ka laisen khaii bad ruh la khang khyrdep ia kum kine ki dukan bad ruh ba la ong ba District Council kan pynlong shuh ia ka jingkhynra laisene bad ruh un buh ia ka jingleit talasi ryngkat bad ka seng ha ba ia dei ka jingkhynra laisen bad ka jingleh benami.
Ha ba ia kren pat ha ka ba ia dei bad ka jing pynduh noh jong ka Assam ia ka kyntien “Rangbah Shnong” da ka kata ka Gangbura bad Rambura ia ki nongkit kam Shnong ha bun ki Shnong ki ba hap hapoh ki ar tylli ki Elaka ki ba kynthup ia ka Elaka Pangam Raliang bad ka Elaka Labang Nangphyllut ki ba dang hap ha poh ka jingpeit jong ka Jaintia Hills Autonomous District Council ka ba long pyrshah ia ka dustur jong u khasi pnar, u CEM u la ong ba ka Assam kam lah ban leh ia kane, namar ka long pyrshah ia ka hok bad riti dustur jong u khasi pnar bad ruh u la kyntu ia ki briew ki ba shong ha kito ki jaka ba kim dei ban sngewthuh bakla bad ruh ba kim dei ban khwan myntoi ban ioh jing myntoi na baroh ki state bad ruh bad ruh ba ki dei ban sngewthuh ba ki hap hapoh u pud u sam jong ka ne ka District Council bad ki dei ban phah ia ki jingtip shane ka Council hadien ka jingjied jong ki ia ki nong kit kam Shnong khnang ba ka Council ka lah ban pynskhem bad ai sanad ia ki kum ki rangbah Shnong bad u la kubur ba ka seng ha ryngkat bad ki briew jong ka Council kin leit jngoh ia kine ki ar tylli ki Elaka ki ba hap ha poh kane ka Council ba la sah teng ka jing thung Doloi na duh ki por mynshwa.