|
Shillong: Ka Meghalaya ka la pynduh jingkyrmen ia ka Puducherry hadien ba ka la pynhap haduh saw wicket tang hapoh khyndiat ron ha ka jingiakhun kaba long mynta ka sngi ha ka Ranji Trophy ka plate group ha Puducherry. Hadien ba la tied nyngkong ban kamai da 263/3, ka Puducherry ka la kmen bha hynrei ka Meghalaya ka la pynlyngngoh hadien ba ka la pynhap syndet haduh4 wicket ha ki 3 run ban pynlong ia ka Puducherry ban lah kamai tang 269/7. U PK Dogra u tied 101 ia ka Puducherry katba u D Rohit u kamai 61 ron bad Abhishek Nayar 57 run. U nongialehkai ka Puducherry u Nayar u la shah pynhap ha u Dipu Sangma (1/23) ka Meghalaya. Ha kawei ka jingialehkai ha ka U-16 Vijay, ki khynnah ka Meghalaya ki la lam khmat da 92 ron ha ka jingiakhun pyrshah ia ka Nagaland ha ka U-16 Vijay Merchant North East zone kaba long ha Golaghat, Assam. Ka Nagaland kaba ap ktem nyngkong, ka la khang lad ia ka Meghalaya ban kamai tang 119 ron. Ki nongtied ka Nagaland u Sahani bad u Prince Maurya ki la tied ia ka Nagaland tang ha 69 ron ha ka 16.2 over. |