Pyndonkam beain ka MeCEL, T. 60.43 lak ka ilektrik

Shillong, 20 Risaw:  U Comptroller and General (CAG) ha ka kaiphod kaba kut ha ka 31 tarik u Lber, 2014 ka pyni ba ka MeECL ka la duh nong haduh T. 60.43 lak namar ka jingpyndonkam beain ia ka bording ilektrik ki paidbah.Ka aiñ Electricity Amendment Act, 2007 ka la kren shai ka jingdaiñ kuna halor ka jingpyndonkam be-aiñ ia ka bording ilektrik.
U CAG u la ong ba naduh u snem 2009-10 haduh u snem 2013-2014, u Assesing officer ula lap ia ka jingpyndonkam be-aiñ ki longing ia ka bording  da ka khmih ïa u meter light.Ki don 123 tylli ki longïing ba pyndonkam beain ia ka bording kaba long kumba  T. 100.23 lak.Hynrei namar ka jingkyrpad na kine ki longiing, ka  MeECL ka la pynhiar ia ka jingdaiñ na ka T.100.23 sha ka T 39.80 lak.Ka don ka jingleh thurmur na ka MeECL namar ba ka khlem pynbor ia kine ki 123 tylli ki longïing na ka bynta ban siew ia ka shiteng pisa jong ka jingdaiñ kuna.Ka jingleh jong ka MeECL ban pynhiar ia ka jingdaiñ duna haduh T. 60.43 lak ka long ka bym shong nongrim kaba la wanrah ia ka jingduh nong ia ka.