Pyndonkam bakla u Lyngdoh Sohiong, ia ka skhim ja sngi

Shillong, 15 Naitung:
Ki rangbah ka Raid Sohiong ba kynthup ia u Maian Thabah bad u bah Double Thabah bad u Sling Thabah, ki la kyn noh ba u Lyngdoh Soh iong bah Shemphang Thabah u la pyndonkam bakla ia ka skhim ja sngi jong ki khynnah skul ka Govt LP Skul Sohiong nalor ki kam synshar donbor jongu.
“Une u Lyngdoh ym tang ba u synshar donbor, ula bam sap ruh saw snem ia u khaw khyn nah skul (midday meal) jong ka Govt. LP School, Sohiong” la ong u bah Double Thabah. Ki la ong katei ka kam bamsap ia u khaw khynnah skul la lap hadien ba la wad jingtip lyngba ka Right To Information (RTI) ha snem ba la dep, ha kaba utei u Lyngdoh ula sei hi ia u khaw da kam kum u Secretary ka Managing Committee (MC) ka skul wat hadien ba la khang kyrdep ia katei ka skul ha ka 13.07.2010 bad la lap ba ula sei ia u khaw naduh u Naiwieng, 2010 haduh u bnai Lber, 2014. Ki la ujor ia kane ka jingleh donbor u Lyngdoh sha ki bor ka District Council, hynrei ka district council kam shym la leh eiei halor katei jingujor pyrshah ia utei u Lyngdoh haduh mynta.
 Halor kane, kine  ki rangbah ki kyrpad jur ia ka Executive committee ba thymmai ka KHADC ba kin shimkhia ban tuklar lem ia katei ka kam na bynta bha ka miat ki paidbah bad ban lait na ka jingshah synshar donbor. Kine ki Rangbah ki la kynnoh ruh ba u Lyng doh ula pynkhein ia ki riti ki dustur synshar raid hapoh ka raid Shylla bad ka raid Sohiong.
‘Ka Raid Shylla ka la duh jait namar ba kam don shuh ka khyndew raid namar ka jingleh bad synshar donbor u Lyngdoh”, la kynnoh kine ki Rangbah haba kren sha ki nongthoh khubor. 
Ki la ong ba ka raid ka dang don haduh mynta hynrei kam don shuh ka kyndew raid, ki la kynnoh shuh shuh. Ki la kynnoh ba u Lyngdoh ula pynkhein ia ki riti ki dustur da kaba ong ba ki saw kyntoit kim hap shuh hapoh ka raid Sohiong. Ki la kynnoh ba u Lyngdoh u la thmu ban pynduh jait ia ka raid Shylla namar ka jingkam u Lyngdoh bym don kyntoit hapoh ka raid ka la paw pyllein ba u synshar donbor bad kane ka dei ka jingpyn duh ia ka raid bad pynkhein ia ki riti dustur synshar raid.