Pyndep tes rta ka AIFF ia 35 ngut ki khynnah ialehkai

New Delhi, 5 Naitung:
Laiphewsan ngut ki khynnah jong ka AIFF Regional Academy ki la pyndep ban tes ia ka rta jong ki kaba ki khot ka Magnetic Resonance Imaging (MRI) Tests bala pynlong ha ka AMRI Hospital ha Salt Lake, Kolkata.Ka jingpynlong ia kane ka tes ban tes ia ka rta jong ki kum shibynta ban pynkhreh na ka bynta ba kin leit ia shim bynta sha ka U-16 SAFF Championship ka ban long Kathmandu ka ban sdang ha 20 tarik Naitung. U Dr. Sandeep Kumar uba long u Medical Consultant jong ka AIFF u la ong ba kat kum ka tes u la pyntikna ba baroh ki dei hapoh ka khatsan snem.
U Scott O’Donell, uba dei u Technical Director, jong AIFF Acade mies,u la ong ba ka jinglah ban leh ia kane ka tes ka pyni ia ka jingtbit jong ka AIFF.”Nga dap da ka jingkmen ba baroh ki khynnah kiba la lah ban pyndep ia katei ka tes jong ka MRI. Ka long ka jingiaroh ba pynlong ia kane ka tes. Dei ban leh ia kane ka tes khnang ban pyntikna ia ka rta shwa ba kin ia shim bynta ha ka jingialehkai”, u la ong u O’Donell.
“Da ka jingpyndep ia kane ka tes mynta ka la dei sa ka pali jong ngi abn pynkhreh na bynta jong ka lympung U-16 SAFF Championships ha Nepal bad ruh na ka bynta ka AFC U-16 Championships ban long ha Kuwait.”