Pyndeng syntiew ka HANM, ia 3 ngut ki dkhot ba lait phatok

Shillong,
3 Kyllalyngkot:
Ka HANM ka la pdiang burom ia 3 ngut ki dkhot ki ba la lait na phatok da kaba pyndeng syntiew ia ki da ka President ka seng kynthei ka kong Bity Jyrwa ha ryngkat ka jingiadonlang u President ka seng u Bah lamphrang Kharbani. Ki lain gut ki dkhot ka HANM kiba la lait na phatok mynta ka sngi ki long u Willstone Soh shang Vice President, U liverpaul Kharbani Chief Organizing secretary bad u Kynsaibor Kharbani Sports Secretary.
Haba kren ha katei ka jingpdiang burom ia ki dkhot ka seng u Bah lamphrang Kharbani u la ong ba ka jingshah kem jong ki dkhot ka la nang ai mynsiem ia ka seng namar ba ka jingshah kem jong ki kam dei namar ki kam pyniap briew lane ki kam lehnoh hynrei ka dei namar ka jingiakhih kaba long katkum ka riti synshar paidbah ba la pynkup bor da ka Riti Synshar ka Ri –India.
U la ong ruh ba kum ki nongialam sengbhalang kiba trei na ka bynta kabha ka miat jong ki paidah ki dei ban tip ba ka ka kjat ka ka diang ka la don lypa ha phatok bad ka kjat ka mon ka don ha surok bad lada btuit na surok la poi sha phatok. U la kyntu ruh ia ki nongialam ka seng ba kim dei ban sngew syier halor ka jingshah kem.