Pyndem wait u dkot barim ka GNLA ha u BSF

Shillong 14, ’lyngkot:
Uwei u dkhot ka kynhun ka ASAK (u dkhot barim ka GNLA) uba bat ia ka kyrdan Area commander southern ba la ithuh kyrteng u Dim shrang M Sangma ba ju khot u Nawal M Sangma 21snem ka rta, u la leit ban pyndem wait ha khmat u DIG SHQ BSF ha Tura hynnin ka sngi ryngkat ka pistol 9mm, ar tylli ki magazine bad 8 tylli ki kuli 9mm, kawei ka wireless set, kawei ka mobile phone bad ar tylli ki sim card lem bad ar tylli ki shithi dawa pisa.
U Dimshrang uba dei na ka shnong Mendekgiri, South Garo District ula pyniasoh bad ka GNLA ha u snem 2010 bad shah hikai pyntbit ha ka training ba shiphew bnai ha Durama East, East Garo Hills. Ha hatei ka training ula shah hikai pyntbit ha ka jingsiat ia ki AK-47, AK- 56 bad pistol 7.65 mm, wireless set bad kiwei kiwei.
Hadien ba ula mih na ka GNLA ula leit ban pyniasoh bad ka kynhun ASAK ha u Naiweing, 2013 hapoh ka jingialam jong u Reading T Sangma. Ula la long ruh u dkhot ha ka por ba seng ia ka ASAK. U la bat kum u area commander jong ka Southern Command jong ha Garo Hills.
Ki shipai BSF ka la trei shitom ban iakhun ia ki kynhun pyntreim ban wallam biang ia ki khun samla kiba shah ialam bakla ha Garo Hills ha ka jingim kaba shisur bad kiba bun ki dkhot ka GNLA ki la wan shakhmat ban pyndep wait ha kine ki snem ba la dep, ia u Dimshrang la ai tin oh sha ki pulit ka West Garo Hills.