Pyndem u Bhaichung u synran ba ha syndah U Sohan ka GNLA

Shillong, 09 Nohprah:
U nongialam baar lait na u Sohan D Shira, ka Garo National Liberation Army (GNLA) u Bhaichung (Nikam Ch Momin) u la wan pyndem wait noh ha ki pulit mynta ka sngi ha Garo Hills.
“U Bhaichung u dei u nongialam ba ar lait na u Sohan ha ka GNLA. U la peit ia ka
South Garo Hills bad West Garo Hills Aea command”, la ong u IGP u GHP Raju.
Ka jingwan pyndem noh une u snar ka GNLA, kan buh jingeh shibun iakane ka seng khamtam ha kine ki sngi, la bun ki dkhot jongka,kiba la wan pyndem noh ialade
Katkum ki pulit, u Baichung u dei uwei na ki nongseng ia ka seng GNLA. U don mynshwa ha ka ANVC bad u la shemphang ha ka kam. Kham hadien u la pyniasoh noh bad ka GNLA ha u Nohprah ha u snem 2009 haba u Sohan bad u Champion R Sangma u la thaw ia ka GNLA.
Haba kren sha ki lad pathai khubor hadien ba la wan pyndem wait, u Baichung u la tei pop ia u Sohan D Shira na ka bynta ka jingkhyllem ka GNLA namar ba u Sohan u bunkam tang ban kynshew spah ialade bad ka iing ka sem jongu ha kine ki 5 snem ha ka kyrteng ka GNLA.
U Bhaichung u la kynnoh ruh ba u Sohan u la lum ia ka pisa baroh ha lade ha ka kyrteng ka GNLA.
Ula kynnoh ba u Sohan D Shira u la pyniaid ia ka GNLA kum ka iing jongu bad u la ai ia ka pisa ha ka lok jongu, ka Sengchi Ch Momin bad ki para jongu kynthup ka Salte, Ponty, bad kiwei kiba haiing ba kin buh ia ka pisa.
Ha kane ka jingwan pyndem u Bhaichung u la aiti ruh da ki tiar siar, ki suloi, kuli bad kiwei.