Pyndam ain casino, hapoh 24tarik, ne yn pynthut ia ka tamasa Cherry Blossom, ong ka HITO

Shillong:Ka seng Hynniewtrep Integrated Territorial Organization (HITO) myn ha ka 4 tarik Naiwieng 2022, ha ka jingleit ia kynduh ia u bah Metbah Lyngdoh, u lamphang ka iing dorbar thawaiñ, ka dawa ba dei ban pynduh pyndam noh ia ka Casino ha ka jylla.

Ka Seng HITO lyngba u bah Donbok, ba dei ruh u President ha ka jingiakynduh ia u Lamphang, ki la dawa ban pynlong ka dorbar kaba kyrpang ban pynduh pyndam noh ia ka khalai Casino.

Haka jing iakren bad ki lad pa thai khubor, u bah Donbok ula ong ruh ba ka seng kan buh por haduh ka 24 tarik Naiwieng ban khot dorbar kyrpang, na ka bynta ka Casino bad lada u lamphang um shym la khot ia ka dorbar; ka seng HITO kan sa pynlong ka Drama Jakor ia ka jylla, tangban pynthud ia ka Tamasa Cherry Blossom.

Ka sorkar ka pynlong lut phut ia ki tamasa bym don jingmih wat haba ka la pynlut haduh 14 Klur tyngka. Shuh shuh bad ka lum khajna na ki paitbah bad kumta ki la dei ban ai ne sam noh ka bai scholarship jongki samla pule bad kiwei kiwei ha jaka ban pynlut sha ki tamasa, ong u bah Donbok Dkhar.