Pynbthei bom ki suba GNLA, iap u nongniah kali

Shillong, 21 Lber:
Ha ka janmiet sngi u Blei uwei u nongniah kali (ym dei kali pulit) u la iap noh hadien ba ki suba lehnoh GNLA ki la pynbthei Bom IED . Utei u nongniah kali uba la iap u dei uba la tip kyrteng kum u Lupen Basumatry na Machpara Dorangre, Goalpara- Assam. Ka la don ka jing suba ba ia katei ka kam la leh da ka GNLA kum ka jingpynhiar kput ia ki pulit namar ka jingkhynra lehnoh kaba jur bha mynta ka ri Lum Garo.Utei u nongniah kali uba la iap haba la poi ha jaka sumar u dei uba kit ha kali jong u ia ki pulit bad ki CRPF bad katei ka kali kaba u niah ka thmu ban leit sha West Khasi Hills, katei ka jingjia bthei bom ka la jia ha ka shnong Bokchung. Ha katei ka jingjia la ong ba ym shym don ki pulit ne ki CRPF kiba mynsaw hynrei ka la don tang ka jingjulor jong ka trok kaba ki shong. Lah ban kdew ba ha ka jingpyllait khubor ha kine ki khyndiat sngi ba la dep ka GNLA ka la byrngem ia ki pulit ba lada kin iai bteng ka jingkhynra ia ka ktem jong ki kan pynjur ki kam pyntriem ha ri Lum Garo.