Ha kaba kum kine ki sngi, ba ka jingpang khlam corona, ka jur palat ha ka Ri hi baroh kawei, hynrei u myntri khynnah ka sorkar India, U Arjun Ram Meghwal, u ai jingiaroh ia uwei u jingbam Bhabhi Ji Papad bad u da ong, ba utei u dei u jingbam, uba dang biang sat, ban pyniap ia ka jingpang khlam Coronavirus.
Ha ka video, ba la sam ha ki thymmei bapher jong ki social media, u myntri khynnah jong ka Parliamentary Affairs and Heavy industries, u iaroh shi katdei ia utei u jingbam, uba la tip kum u ‘Bhabhi ji papad’ bad u ong ba utei u jingbam, u dei uba lah ban pyniap syndon ia ka jingpang coronavirus.
Ha ka video, U Meghwal, u ai jingiaroh jur ia u trai jong katei ka kompeni, U Sunil Bhansali bad u ong ba u kitbok, ba katei ka kompeni, kan iaid beit shakhmat, namar ba ka dei kaba la pyntrei lyngba ka skhim Atmanirbhar Bharat, ba la bei pisa da ka sorkar India.
Phi don ban ong eiei?