Pynbna U Boris Johnson, ba un hiar shuki, kum u myntri rangbahduh ka Britain

London: U Boris Johnson (58), myntri rangbahduh ka Britain, ula pynbna, ba un hiar shuki noh kum u myntri rangbahduh katei ka Ri. Ka jinghiar shuki jong U Johnson, ka dei hadien, ba ki la don da ki phew ngut, kiba hiar shuki, kum ki myntri jong ka sorkar ha Britain; hadien ba ki la don ki jingkynnoh bamsap bapher, ia kane ka sorkar ha Bilat.

“Ka dei ka rai jong ka Parliamentary Conservative party, ba ka donkam, ia uwei pat u nongialam ba thymmai bad ban don u myntri rangbahduh ba thymmai” ong U Johnson, haba kren ha 10 Downing Street.

Kiba don ha khmat, ban shimti ia ka shuki myntri rangbahduh, ki long U Rishi Sunak, u myntri pla tyngka barim bad nangta ka Penny Mordaunt, myntri ka khaii pateng bad nangta ka Secretary bar ri, ka Liz Truss.