Pynbna shwa ka UDP 5 ngut ki kyrtong

Shillong, 19 Risaw:
Ka UDP mynta ka sngi, ka la pyllait paidbah ia san ngut ki kyrtong sha ka elekshon MDC shiteng samoi sha ka KHADC bad JHADC kaban long ha ka 13 tarik Nohprah, 2016.
Na Nongkrem la pynbna ia u Bah HS Shylla, na Nongspung-Sohiong u Bah Wankupar Syiemlieh, na Mawthad-raishan u Bah Jambor War, na Laban-Mawprem Frederick Lynshiang kiba hap ha ka KHADC bad na War East kaba hap ha JHADC ia u Bah Firstborn Manner.
Sa ar ngut, kata na Nongkhlaw-Mairang bad na Rambrai-Jyrngam ki dang sahteng shwa bad yn sa pynbna ha kane ka taiew ban wan.
U General Secretary ka UDP u Dr Jemino Mawthoh haba kren sha ki lad pathai khubor hynne ka sngi, u la ong ba ha ka jingshisha, ki kyrtong na kine ki jaka ba dang sah, la ioh pdiang ka sengkmie hynrei kam pat lah ban pynbna namar ba ka dang bishar bniah shwa.
Katkum ka jingtip, na Mairang ka UDP, ka la phah ia ka kyrteng jong u Bah Equator L Nongrang katba na Rambrai-Jyrngam ia u bah Morningstar Tympuin.