Pynbna kyrtong MDC ka HSPDP ha KHADC, ym don ha JHADC

Shillong, 3 Risaw:
Ka Election Committee ka seng HSPDP mynta ka sngi ka la pynbna ia ki 6 ngut ki kyrtong jong ka ha ka elekshon MDC shiteng samoi na ki 6 tylli ki konstitwensi kiba thylli, katba ha JHADC pat katei ka seng kam pynieng kyrtong.
Ki 6 ngut ki kyrtong katei ka seng ki long u bah Hubert Riang na Nongkrem konstitwensi,u bah Banrikupar Wahlang na Laban, u Shamlin Malngiang na Sohiong, u Alexander Kharsyntiew na Mairang, u Landingstar Warjri na Mawthadraishan bad u World Champion Paliar na Rambrai-Jyrngam konstitwensi.