Pynbna kyrtong ka seng Congress, ha ki lai Constituency

Shillong: Ka Working President jong ka Meghalaya Pradesh Congress Committee(MPCC), ka Kong Ampareen M Lyngdoh ka la ong ba ka seng kan pynieng kyrtong ha baroh laitylli ki konstitwensi kiba kynthup ha Mawphlang, Mawryngkneng bad ha Rajabala.

Ka Kong Ampareen M Lyngdoh ka la iathuh ba ka seng ka la rai ban pyniakhun da u Bah Highlander Kharmalki na Mawryngkneng Constituency, na Rajabala da ka lok jong u Azad Aman u ba dei u MLA barim jong ka Congress bad na Mawphlang Constituency ka seng ka lah ban pynieng biang da u MLA barim u ba la shah rem noh ha u snem 2018 kata u Bah Kennedy Khyriem. Shuh shuh ka Kong Ampareen M Lyngdoh ka la pynpaw ruh ba ka seng ka don ia ka jingkyrmen ban leh bha ha baroh laitylli ki konstitwensi ban ioh ia ka jingjop.

Kum ban shu pynkynmaw ka seng Congress ka la duh noh ia arngut ki MLA kata na Mawryngkneng bad na Rajabala hadien ba ki la khlad noh mynta u snem.