Pynbna khusnam ki pulit ia kiba iohi ia u pulit ba jah

Shillong, 24 Naiwieng:
U Superintendent of Police, North Garo Hills District, Resubelpara u la pynbna khusnam T.20 hajar tyngka sha kino kino kiba ioh jingtip eiei shaphang u pulit 6th Batallion u Shri Komraj Bhattarai uba la shah rahbor ha ki suba lehnoh GNLA naduh ka 6 tarik u naiwieng na Sepikol, North Garo Hills ha ka por ba u thmu ban wan phai biang sha ka kam jong u hadien ba la kut ka shuti. La pyntip ba yn buhrieh ia ka kyrteng u nongpyntip, ia ki jingtip lah ban phah sha kine ki nombar 8014314233/9436116900/9402396444/8575687710.