Guwahati: Ka klob kaba pawnam bha ka Northeast United Football Club ka la rai ban pyllait noh ia u coach Gerard Nus uba long u nong Spain na kane ka klob hadien ka jingrai bad kut jingmut lem jong ka klob hi baroh kawei ban weng noh ia u.
Ka klob ka ai khublei kyrpang ia une u Coach Gerard Nus ia ka jingtrei shitom bad ka jingtrei shitrhem ka jong u ha ka por ba u dang don ha kane ka klob bad ki kitbok kitrwiang ruh ia u na ka bynta ka lawei ka jong u kum u coach.
Shuh shuh ka klob ka la thung ia Khalid Jamil kum u Head coach u ba thymmai jong kane ka klob na bynta ka aiom kaba dang sah.
Ka jingweng ia U Nus, ka dei hadien ka jing ia khaid hapdeng ka North East bad ka Bengaluru, da mar shi kol, ha ka Sngi hat majai ba ladep.
Ka North East, ka la pyllait noh ia U Nus, tang ha ki 11 tylli ki jing ialehkai, ba la pyniaid da U Nus, ha u snem 20-21.
Ka North East, ka la jop tang ia ka East Bengal, ha ka 5tarik Nohprah 2020, da 2-0.
Phi don ban ong eiei?