Pynbna ka NEHU ia ka Resol BSc bad B.Com

Shillong, 14 Jylliew:
Ka NEHU ka la pynmih ia ka Resol jong ka BSc. (Pass bad honours) kumjuh ruh ia ka resol jong ka B.Com (Pass bad Honours). Ki la don 71 ngut kiba ia khun ia ka BSc Pass bad kiba la pass ki don 50 ngut, haba kheiñ percentage ia kiba pass ka long 70.42%. Katba ha ka Honours pat ki la don haduh 1266 ngut kiba ia khun bad na kitei kiba pass ki long 903 ngut bad haba kheiñ percentage ia kiba pass ka long 71.33%.
Ha ka B.Com Pass ki don 496 ngut ki samla ba ia khun ia ka eksamin bad kiba pass pat ki don tang 204 ngut bad haba khein percentage ia kiba pass ki long tang 41.13%. Ha ka Honours ki don 1127 ngut kiba ia khun ia ka eksamin katba kiba pass pat ki long tang 763 ngut kaba long tang 67.70%. Ia ka kyrdan ba hakhmat eh ha ka BSc Honours la bat da u Robert W Kharngi na St.Edmund’s College uba la ioh 74.25%,ia ka kyrdan kaba –ar la ioh da Arunava Kar Purkayastha na St.Anthonys College bad ka la ioh 72.63%, Leo Them Jung Makan na St.Edmund’s College 71.00% ba wan ha ka kyrdan ba –lai, ha ka kyrdan ba saw ki don 3 ngut ka Priyanchi Chachan na St.Anthony’s College, Pooja Prasad na St.Anthony’s College, Guddi Kumari Prasad na St.Edmund’s College kitei baroh ki ioh mar 67.13%.
Ka Sunita Kumari Gupta na St.Mary’s College ka la wan ha ka kyrdan ba san bad ka la ioh 65.88%, Sunny Ryngkhlem ha ka kyrdan ba hynriew,Vidushi Jalewa ha ka kyrdan ba hynniew, Heena Poodar ha ka kyrdan ba phra, Suman Sharma ba khyndai bad Ansu Agarwal ha ka kyrdan ba shiphew.