Pynbna ka myntri pla pisa, ban sam bam ei sha ki nong bylla, na ka bynta ar bnai kynthih

New Delhi: U Myntri Rangbahduh ka ri, u Narendra Modi u la pynbna ia ka song jingiarap pisa (Special economic and comprehensive package) kaba long haduh T. 20 klur kaba kot kumba 10 % ka GDP ha ka 12 tarik u Jymmang. U la kren shai ia ka jingdonkam ban pynlong ia ka ri India kaba lah ban ieng ha ki kjat lajong (Self Reliant India Movement). U la batai ia ki 5 tylli paia jong ka “Aatmanirbhar Bharat” ka long ka ioh ka kot, ka jingtei kiba kongsan, ka rukom treikam katkum ka juk ba mynta, ka jingbun ki jaitbynriew bad ka jingpynkhlain ia ka jingdawa lane jingdonkam.

Haba pynbna ia ki lad jingiarap kiba ar ban weng ia ka jingeh kaba mad da ki nongbylla kiba iaid na kawei ka jaka sha kawei pat, ki nongshong dukan mada, ki briew kiba seng ia ki kam barit, ki nongbylla kiba don ha ki thain sor, ki nongrep kiba don jaka rep kiba rit bad ka jingtei ia ki iing ki sem.
Ka Myntri ka tnad Pla Tyngka bad Corporate Affairs, ka Nirmala Sitharaman haba iakren bad ki lad pathai khubor hynnin ka sngi ka la batai ia ki lad jingiarap kiba shipor bad kumjuh ia ki lad jingiarap kiba lah ban pynmyntoi ha ki por ba kham slem ban kyrshan ia kiba baduk kynthup ia ki nongtrei bylla kiba iaid na kawei ka jaka sha kawei pat, ki nongrep, ki kam khaii kiba rit bad ki nongshong dukan madan.

Ka Sitharaman ka la pynpaw ba u Myntri Rangbah ka ri India, u Narendra Modi u ju pynpaw ia ka jingsngewkhia halor ka jingeh ba mad jong ki ki briew kiba duk kynthup ia ki nongbylla kiba iaid na kawei ka jaka sha kawei pat.
“Ki nongrep bad ki nongtrei ki dei ka budlum jong ka ri. Ki long kiba ai jingshakri ia baroh lyngba ka syep bad ka jingtrei shitom jong ki. Ki nongtrei bylla ki donkam ia ki iing ki sem kiba bit dor ha ki jaka sor nalor ki lad jingiarap. Ka long kaba donkam ban thaw kam thaw jam na ka bynta kiba duk kynthup ia ki nongbylla kiba iaid na kawei ka jaka sha kawei pat bad kumjuh ki briew kiba trei ha ki jaka ki bym biang. Ki nongrep ki donkam ban ioh ia ka ram pisa ha ka por kaba biang,” ka la pynpaw.
Ka Sitharam ka la pynpaw ruh ba ka Sorkar ka pynsngap ia ka jingdonkam jong baroh. Ka la pynpaw ruh ba ki kam khaii kiba rit khamtam kiba pyniaid da ki briew kiba shong dukan madan bad la kyrshan na ka bynta ki lah ban kyntiew ia ka ioh ka kot lyngba ka jingiarap ban airam pisa kaba la tip kuma ka “Shishu MUDRA loans”. Ki donkam ruh ia ka jingkyrshan ban pyntyllun ia ka kam jong ki lyngba ka ingiarap pisa bad kumjuh kyntiew ia ka jinglah ban ioh ram pisa.
Kine ki long ki long ki lad jingiarap ki ban iarap shipor na ka bynta ban kyrshan ia kiba duk, kynthup ia ki nongtrei bylla kiba iaid na kawei ka jaka sha kawei pat, ki nongrep, ki kam khaii kiba rit bad ki nongshong dukan madan kiba la pynbna mynta ka sngi:-

1. Ka jingsam khaw ei ia ki nongtrei bylla kiba iaid na kawei ka jaka sha kawei pat na ka bynta ar bnai, na ka bynta ki nongbylla kiba iaid na kawei ka jaka sha kawei pat, ka sorkar ka la ai tam ia u khaw sha baroh ki jylla bad ki Union Territory ha ka jingmang kaba 5 kilo ia uwei u nongbylla bad shi kilo ki dai na ka bynta kawei ka longiing na ka bynta ar bnai kata ha u Jymmang bad u Jylliew. Ki nongtrei bylla kiba la ioh jingmyntoi lyngba ka National Food Security Act bad ki bym don ia ka kard rashon hapoh ki jylll bad ki Union Territory bad ki la sahkut mynta ki ioh jingmyntoi na kane. La ai jingmut ia ki jylla bad ki Union Territory ban buh ia ka rukom treikam ban sam ia u khaw bad u dai katkum ki kyndon hapoh kane ka skhim. La dep ba mang 8 lak metric ton u khaw bad 50,000 MT u dai. Ka jingmang pisa na ka bynta kane ka kam ka long T. 3500 klur ka ban bei da ka Sorkar India.
2. Ka jingpyndonkam ia ka technology ban pynkham bor ia ki nongtrei bylla ban ioh ia u khaw ration na kano kano ka jaka sam rashon ha ka kylleng ka ri naduh u Lber 2021-Kawei ka ri kawei ka Kard Rashon
   Ka jingpyntreikam ia ka skhim halor ka jingtreikam jong ki kard rashon ha baroh ki 23 tylli ki jylla. Lyngba kane, 67 klur ki nongioh jingmyntoi bad kumba 83% na ki nongshong shnong ka ri India kin hap hapoh ka jingpyntreikam ia kajuh ka kard rashon ha baroh kawei ka ri (National portability of Ration cards) hapoh u Nailar 2020. Ka jingpyntreikam baroh ia ka kard rashon ha baroh kawei ka ri kan long ha u Lber, 2021. Kane ka long katkum ka jingtreikam kaba wanrah da u Myntri Rangbahduh ka ri (Technology Driven System Reforms). Kane ka skhim kan iarap ia ki nongbylla bad ki bahaiing jong ki ban ioh jingmyntoi ia ka skhim PDS lyngba ki jaka sam rashon ha kylleng ka ri. Kane kan pyntikna ba ki briew kiba iaid na kawe ka jaka sh kawei pat khamtam ki nongtrei bylla ki lah ban ioh jingmyntoi ia ka skhim PDA ha kylleng ka ri. 3Yn sa pyllait ia ka skhim ban thaw ia ki ing shong wai kiba bit dor na ka bynta ki nongtrei bylla bad ki longing baduk
   Ka Sorkar Pdeng kan sa pyllait ia ka skhim na ka bynta ban iarap ban pynsuk ia ki nongtrei bylla bad ki longiing baduk ha ki jaka sor na ka bynta ban ioh ia ki iing wai kiba bit dor. Ki iing wai (Affordable Rental Housing Complexes) kin iarap ban kyntiew ia ka jingim jong ki nongbylla, ki longiing baduk bad ki samla pule bad kiwei kiwei. Ia kane yn leh da kaba pynkylla ia ki iing kiba tei da ka Sorkar ha ki sorbah sha ki iing wai kiba bit dor (Affordable Rental Housing Complexes (ARHC)) ha ka jingtreilang ka Sorkar bad ki riewshimet (PPP mode) lyngba ki karkhana kiba pynmih ia ki tiar ki tar, ki karkhana kiba ki heh, ki jaka treikam bad ki seng bapher bapher ban tei ia ka Affordable Rental Housing Complexes (ARHC) ha ki jaka ba long trai da ki riewshimet; Yn iarap ia ki Sorkar Jylla, ki tnad treikam ka Sorkar bad ki kynhun kiba hapoh hapoh ka jingkhmih ka Sorkar Pdeng ban tei ia ka iing wai kiba bit dor (Affordable Rental Housing Complexes (ARHC) bad kumjuh badn pyntreikam. Ia ki jingtip kaba bniah halor kane ka skhim yn sa pyllait da ka tnad ka Sorkar Pdeng.

4.Ka Sorkar kan iarap ban siew 2 % ka ram na ka bynta 12 bnai na ka bynta ki briew kiba shim ia ka ram Shishu MUDRA loanees- Ka jingiarap pisa kaba T. 1500 klur
Ka Sorkar India kan iarap ban siew 2 % ka ram na ka bynta 12 bnai na ka bynta ki briew kiba shim ia ka ram Shishu MUDRA bad kiba don ia ka ram kaba long hapoh 50,000. Ka jingdon pisa hapoh ka MUDRA Shishu loan ka long T. 1.62 lakh klur. Kane jingiarap pisa kaba T. 1,500 klur sha ka Shishu MUDRA loanee.

5.T. 5000 klur ban iarap ai ram pisa ia ki nongshong dukan madan
Ka skhim kaba kyrpang yn pyllait hapoh shi bnai ban iarap ia ki briew kiba shong dukan madan ban ioh ram pisa namar ki dei kiba la shah ktah jur na ka jinglong jingman kaba mynta na ka bynta ban iarap ba ki lah ban seng biang ia ki kam lajong. Hapoh kane ka scheme, ka jingiarap ban ioh ram lyngba ki bank na ka bynta ban seng kam kaba kot haduh T. 10,000. Kane ka skhim kan treikam na ka bynta ki briew kiba shong dukan madan ha ki jaka sor bad kumjuh ha ki thain nongkyndong. Ia ki briew kiba lah ban siew kloi ia ka ram ki lah ban ioh jingiarap pisa shuh. La khmih lynti ba 50 lak ki nongshong dukan madan ki lah ban ioh jingmyntoi na kane ka skhim bad ka jingmang pisa ban iarap ai ram lyngba kane ka skhim kan long T. 5,000 klur.

6.T. 70,000 klur ban kyntiew ia ka jingtei ia ki iing ki sem bad kumjuh ban iarap ia ki longiing kiba ka ioh ka kot ka la shu pdeng, halor ban ioh jingmyntoi na ka Credit Linked Subsidy Scheme lyngba ka PMAY(Urban)
Ka jingiarap pisa ia ki longiing kiba shu long pdeng ha ka ioh ka kot (Credit Linked Subsidy Scheme for Middle Income Group) bad ka jingmih kaba long hapdeng 6 lak haduh 18 lak ha ka shi snem. Kane ka skhim kan treikam haduh u Lber, 2021. Kumba 2.5 lak ki longiing kiba shu long pdeng ha ka ioh ka kot ha u snem 2020-21 bad kane kan pylong ia ka Sorkar ban beit pisa palat T. 70,000 klur halor ka jingtei ia ki iing ki sem. Kane kan iarap ruh ban pynmih ia ki kam ki jam ka ban iarap ia ka jingtei ia ki iing ki sem bad kumjuh kan kyntiew ia ka jingdonkam ia ki steel, dewbilat, ki tiar ki tar ban thaw iing bad kumjuh ka jingpynkit ia ki mar ki mata.

7. T. 6,000 klur ban thaw kam thaw jam da kaba pyndonkam ia ka mang pisa CAMPA
   Kumba T. 6000 klur ka mang pisa hapoh ka Compensatory Afforestation Management & Planning Authority (CAMPA) yn pyndonkam ban na ka bynta ban pynkhie biang ia jaka khlaw lyngba ka jingthung ia ki dieng kia kynthup ha ki jaka sor, ki jaka khlaw, ka jingkhmih ha kaba iadei bad ki kam khlaw, ka kam ban pynsboh biang ia ka khydew, ka jingtei na ka bynta ban iada ia ki jaka khlaw bad kumjuh ban iada ia ki mrad bad kiwei kiwei. Ka Sorkar India kan mynjur ia kine ki jingpynkhreh (plans) kaba kot haduh T. 6000 klur. Kane kan iarap ban thaw ia ki kam ki jam ha ki jaka khap sor, ki jaka sor bad ki thain nongkyndon bad kumjuh ia ki jaitbynriew ritpaid (Adivashis).
8. T. 30,000 klur ban iarap pisa ia ki nongrep lyngba ka NABARD
   Ka NABARD kan iarap pisa tam ban bei pisa biang kaba long kumba T. 30,000 klur ban iarap ban airam na ka bynta ki symbai jingthung katkum ka jingdonkam jogn ka Rural Cooperative Banks bad ki RRBs. Kane ka jingiarap ban bei pisa biang kaba long kaba donkam. Palat T. 90,000 klur yn ai ia ka NABARD ha kaba iadei bad kane ka kam. Kumba 3 klur ki nongrep kin ioh jingmyntoi, khamtam ki nongrep kiba don ia ki jaka rep kiba ri hadien ka jingrep ia u Rabi bad kumjuh ka jingrep ia u Kharif.
9. T. 2 lak klur ban iarap ai ram pisa sha ki 2.5 klur ki nongrep lyngba ka Kisan Credit Card Scheme
   Yn pynlong ia ka jingpynrung kyrteng ban iarap ban airam pisa sha ki nongrep kiba ioh jingmyntoi na ka PM-KISAN lyngba ka Kisan Credit Cards. Ki nongrep kiba ri dohkha bad kiba ri jingri kin shah kynthup ha kane ka ingpynrung kyrteng. Kane kan pynlong ia ka Sorkar ba bei pisa tam kumba T. 2 lak klur ha ka kam rep kam riang. Kumba 2.5 klur ki nongrep kin ioh jingmyntoi.