Pynbna ka Myntri kam pla tyngka ia ki sienjam ban iarap ia ki briew hadien ka jingpur ka jingpang COVID-19

New Delhi: Ka myntri kam pla tyngka, Sorkar Pdeng ka Niramla Sitharaman mynta ka sngi ka la pynbna ia ki katto katne ki sienjam ba la shim da ka Sorkar hadien ka jingpur jong ka jingpang COVID-19, khamtam ha ki kam ba iadei bad ki kyndon bapher bapher ha ki phang bapher bapher. Ha ka jingiakren bad ki lad pathai khubor lyngba ka video conferencing hangne mynta ka sngi, ka Sitharaman ka la pynbna shaphang ki sienjam ba la shim ha kaba iadei bad ka Income Tax, GST, Customs & Central Excise, Corporate Affairs, Insolvency & Bankruptcy Code (IBC) Fisheries, Banking Sector bad ka Commerce.

U Myntri khynnah ka Sorkar Pdeng ba dei peit ia ka Finance & Corporate Affairs u Anurag Singh Thakur u la iadon lang ha kane ka por ryngkat u A.B. Pandey, Finance Secretary bad u Atanu Chakraborty, Secretary, Department of Economic Affairs.

Kine harum ki long ki rai ba la shim ha kaba iadei bad kine ki kam: —

Income Tax

1. La pynjlan ia ka sngi ba dei ban file ia ki income tax returns na ka bynta u snem 18-19 na ka 31 tarik u Lber, 2020 sha ka 30 tarik u Jylliew, 2020.
2. La pynjlan ia ka sngi ba dei ban pyniasoh ia ka Aadhaar-PAN na ka 31 tarik u Lber, 2020 sha ka 30 tarik u June, 2020.
3. Yn lait na ka jing hap siew tam 10% ha ka skhim Vivad se Vishwas lada pyndep ia ki jingsiew shuwa ka 30 tarik u June, 2020.
4. La pynjlan ia ka sngi ban ai notice, intimation, notification, approval order, sanction order, ban thep kyrpad, ban kyntiew ia ki return, ki statement, ki application, ki report, bad kiwei kiwei ki jingdonkam. La pynjlan ruh ia ka sngi ba ki bor pyniaid ki dei ban pyndep ia ki kam ba iadei bad ki nongsiew khajna ba kynthup ia ki kam ba iadei bad ki jingkynshew pisa ban ioh jingmyntoi na ka Income Tax Act, Wealth Tax Act, Prohibition of Benami Property Transaction Act, Black Money Act, STT law, CTT Law, Equalization Levy law, ka ain Vivad Se Vishwas ha kaba ka por ba la buh ka long hapdeng ka 20 tarik u Lber 2020 haduh ka 29 tarik u Jylliew 2020. Ia kane la pynjlan sha ka 30 tarik u Jylliew 2020.
5. Na ka bynta ka jingpynslem ban siew ia ki advanced tax, self-assessment tax, regular tax, TDS, TCS, equalization levy, STT, CTT kiba la siew hapdeng ka 20 tarik u Lber 2020 bad 30 tarik u Jylliew 2020, la pynduna ia ka dor sut na ka 12% / 18% shi snem sha ka 9% shi snem. Kane ka long 0.75% shi bnai na ka 1/1.5 % shi bnai. Yn pyllait na ka jingshah dain kuna ha kane ka por.
6. Yn sa pyllait ki jingpynkylla ha ki ain bad kiwei kiwei ki kam ba iadei bad ka ain ha kaba iadei bad kine ki jingiarap.

GST/Indirect Tax

1. Kito kiba don ka aggregate annual turnover kaba duna ka T. 5 klur ki lah ban file ia ka GSTR-3B kiba dei ban file ha u Lber, Iaiong bad u Jymmang 2020 ki lah ban pyndep ia kane ka kam haduh u taiew ba khatduh jong u Jylliew, 2020. Yn ym dain kuna bad yn ym don ki sut, late fee, ne penalty.
2. Ia ki return kiba hap pyndep ha u Lber, Iaiong bad Jymmang 2020, kiwei pat ki lah ban pyndep ia kane ka kam ha u taiew ba khatduh jong u Jylliew 2020 hynrei ia kine yn don ka jingpynduna ka sut na ka 18% shi snem sha ka 9% shi snem 15 sngi hadien ka sngi ba dei ban siew. Yn ym don ka late fee ne ka jingdain kuna lada pyndep ia kane ka kam shuwa ka 30 tarik u Jylliew 2020.
3. La pynjlan ia ka sngi ban mynjur ia ka skhim composition scheme sha ka taiew ba khatduh jong u June, 2020. Shuh shuh, ka sngi khatduh ban pyndep ia ki jingsiew na ka bynta ka quarter ba kut 31 tarik u Lber, 2020 bad ka jing file ki return na ka bynta u snem 2019-20 da kiba trei ha ki kam composition yn pynjlan sha ka taiew ba khatduh jong u Jylliew, 2020.
4. La pynjlan ia ka sngi khatduh ban file ia ki GST annual return na ka bynta u snem 18-19 kaba la buh ha ka 31 tarik u Lber, 2020 sha ka taiew ba khatduh jong u Jylliew 2020.
5. Namar jong ka sngi ba la buh na ka bynta ki notice, notification, approval order, sanction order, ban file appeal, ban phah ia ki return, ki statement, ki application, ki report, bad kiwei kiwei ki jingdonkam, la pynjlan ia ka sngi khatduh ba ki briew ki dei ban pyndep ia kine ki kam na ka 20 Lber 2020 haduh ka 29 tarik u Jylliew 2020 sha ka 30 tarik u Jylliew 2020.
6. Ki jingbthah bad ki jingpynkylla ia ki ain ba iadei bad kine ki kam yn pyndep hadien ba la ioh ia ka jing mynjur jong ka GST Council.
7. La pynjlan ia ka sngi siew hapoh ka skhim Sabka Vishwas sha ka 30 tarik u Jylliew, 2020. Yn ym don ka sut lada siew shuwa ka 30 tarik u Jylliew 2020..

Customs

1. Yn don ka custom clearance ba 24 kyna shi sngi, hynniew sngi shi taiew haduh ka 30 tarik u Jylliew, 2020.
2. Namar ka sngi khatduh ban pyndep ia ki kam kum ka jingphah ia ki notice, notification, approval order, sanction order, ban file ia ki appeal, ki application, ki report bad kiwei kiwei ki jingdonkam kaba la buh hapoh ka 20 tarik u Lber 2020 bad u 29 tarik u Jylliew 2020 ka la jan, la pynjlan ia kane sha ka 30 tarik u Jylliew 2020.

Financial Services

1. Ai jingiarap haduh 3 bnai

• Kiba bat ia ki debit card ki lah ban sei pisa na kano kano ka ATM khlem da siew tam ha ki 3 bnai

• La weng ia ka minimum balance fee

• La pynduna ia ka jingkhein ki bank ban leh ia ki digital trade transaction ia baroh ki trade finance consumer

Corporate Affairs

1. Yn ym khein tam ia kito kiba slem ban file ha ka por hapdeng ka 1 tarik u Iaiong haduh ka 30 tarik u Nailur 2020, ha kaba iadei bad kano kano ka kot, ka return, ka statement bad kiwei kiwei kiba hap ban file ha ka MCA-21 Registry khlem da don kano kano ka jingiapher ha kaba iadei bad ka sngi khatduh ban pyndep. Kane kan pynsuk ia ki kompani bad ki LLP bad kan plie lad ruh ia ki kompani ki bym shym la leh ia kaba donkam ba kin sdang thymmai;
2. Ia ka jingdonkam ia ki Board jong ki kompani ba kin pynlong ia ki jingialang na ka por sha ka por katkum ka Companies Act, 2013, yn kyntiew sa 60 sngi haduh ki ar quarter ban wan haduh Nailur 30 2020;
3. Ka jingdonkam ia ka Companies (Auditor’s Report) Order, 2020 yn pyntrei kam naduh ka snem mang tyngka (financial year) 2020-2021 ym na ka 2019-2020 kumba la dep pynbna. Kane kan pynsuk ia ki kompani bad ki auditor na ka bynta ka snem 2019-20.
4. Kat kum ka Schedule 4 jong ka Companies Act, 2013, ki Independent Director ki dei ban pynlong kumno kumno kawei ka jingialang khlem ka jing iadonlang jong ki Non-independent director bad ki dkhot ka management. Na ka bynta u snem 2019-20, lada don kino kino ki ID jong kano kano ka kompani ki bym shym la pynlong ia kum kane ka jingialang, yn ym peit ia kane kum ka jingpynkhein ia ka ain.
5. Ia ka jingdonkam ban don ka Deposit reserve kaba 20% jong ki deposit kiba mature ha u snem 2020-21 shuwa ka 30 tarik u Iaiong 2020 yn shah ban pynjlan haduh ka 30 tarik u Jylliew 2020.
6. Ia ka jingdonkam ban kynshew 15% jong ki debenture ba mature ha kano kano ka snem shuwa ka 30 tarik u Iaiong 2020 lah ban pyndep haduh ka 30 tarik u Jylliew 2020.
7. Ki kompani ba dang seng thymmai kim donkam ban file declaration ba iadei bad ka jingsdang kam hapoh ka 6 bnai hadien ba la sdang. Yn ai sa 6 bnai ba kin pyndep ia kane ka kam.
8. Yn map ia ka jingpynkhein ia ka minimum residency ha ka Ri India kaba duna eh kumno kumno 182 sngi da kumno kumno uwei u director jong kano kano ka kompani katkum ka Section 149 jong ka Companies Act.
9. Namar jong ka jingkynduh jingeh ha ka liang ka pisa ba la mad da ki kompani bapher bapher hadien jong ka jingkulmar ba la mih hadien ka jingpur jong ka jingpang COVID 19, la rai ba yn kyntiew ia ka threshold of default hapoh ka section 4 jong ka IBC 2016 sha ka T 1 klur (na ka threshold ba mynta ba T 1 lak). Kane kan iada na ka jingma insolvency ba ki MSME ki lah ban ia kynduh. Lada ka jingling jingman ka bteng palat ka 30 tarik u Iaiong 2020, ngi lah ban ia pyrkhat ban sangeh shuwa shipor ia ki section 7, 9 bad 10 jong ka IBC 2016 na ka bynta ka 6 bnai ban iada ia ki kompani na ka insolvency proceeding.
10. Ia ki jingbthah ha kine ki kam yn sa pyllait da ka Tnat Corporate Affairs.

Department of Fisheries

1. La bteng sa 3 bnai ia baroh ki Sanitary Permit (SIP) na ka bynta ka jingwanrah ia ki SPF Shrimp Broodstock bad kiwei kiwei ki tiar ba iadei bad ka rep hapdeng ka 01.03.2020 bad ka 15.04.2020.
2. Lah ban pyrkhat ban map ia ka jingpynslem ban poi ki mar haduh shi bnai.
3. Yn book biang ia ki quarantine cubicle ia kiba la cancel noh ha ka Aquatic Quarantine Facility (AQF) Chennai khlem da pynkiew ia ka bai book
4. La pynduna na ka 7 sngi sha ka 3 sngi na ka bynta ka jingpynshisha ia ki NOC ba iadei bad ka jing pynsah marwei ia ki briew

Department of Commerce

Ia ka jing pynjlan ia ki por kiba iadei bad ki kam yn sa pynbna. Ia ki jingpynbna yn sa pyllait da ka Tnat Commerce.