Pynbna ka MPDCL, ia ka dor thang ding thymmai

Shillong: Ka bai thang ding, ka la kiew dor naduh ka 1tarik Iaiong 2022.

Ka jing pynbna, da ka Meghalaya Power Distribution Corporation Ltd, ka pyntip, ba na bynta kiba hap ha ka kyndon LT; ka bai ding, kan long mynta T.60 shi unit, ia ki Domestic DLT; nangta ia ki Commercial CLT, T.120 shi unit, Industrial Low Tension T.120 shi unit, general purpose T.120 shi unit.

Ka bai thang ding, na bynta ki Domestic DLT, kan long T.410 na bynta ki 100 unit, nangta T.450, na bynta sa 100 unit kaba tam bad T.610, sa ia ka 600 unit kaba tam.

Kane ka dei ka jingpynbna, kaba la shu ioh lum da U Rupang, hynrei, la iohi, ba ka MPDCL, kam shym la ai jing pynbna iar satia sha ki kotkhubor, halor katei ka dor thymmai jongka, na ka bynta ba ki nongthang ding, kin tip.