Pynbna ka elekshon komishon ka India, ia ki tarik thep vote ha India

Shillong: Ka Election Commission jong ka India, ka la pynbna mynta ka janmiet, ba ka elekshon sha ka dorbar bah Lok Sabbha jong ka Ri, kan long ha ki hynniew kylla mynta ka sien. Ka jingthep kyrteng, kan kut haduh ka 25tarik Lber 2019 bad ka kylla kaba nyngkong ban thep vote, kan dei ha ka  11tarik Iaiong, ka kylla kaba ar ha ka 18tarik Iaiong, ka  kylla kaba lai, ha ka 23tarik Iaiong bad ka kylla kaba saw, ha ka 29tarik Iaiong, ka kylla kaba san, ha ka 6tarik Jymmang, ka kylla kaba hynriew ha ka 12tarik Jymmang bad ka kylla kaba hynniew kan long ha ka 19tarik Jymmang. Ka jingniew vote, kan long ha ka 23tarik Jymmang 2019.