Shillong: Ka Khasi Student’s Union Photjaud Rangthong Unit ka kyntu bad phah ia kane ka kyrwoh khubor sha ki bor district jong ka South West Khasi Hills District ba lada ki wan ban pynbna paidbah na ki bor district ha kine ki sngi halor u khñiang jingpang carona virus ne kino kino ki kam, lyngba ki tynghung jingsawa ba kin pyntip haduh da kut shnong(kut surok pwd) khnang ba baroh ki paidbah kin dup ïohsngew lut na ka bynta ki lad jingïada bad ban phikir bha halor u khñiang Covid-19 bad kiwei kiwei ki jingdonkam lane jingpyntip.
Ka KSU, ka ong ba ki jingpynbna ba la dep lyngba ki tynghung jingsawa, ki long kiba ki paidbah kim shym ïohsngew, katba ki nong pynbna ruh ki aidaw ba kim lah shuh ban pyndep sa ha kiwei kiwei ki shnong bad kane ka long ka jingduh jingmyntoi shi katdei ïa ki paidbah, namar ka shnong Photjaud Rangthong ka la long ka shnong kaba heh bad ka paw ruh ba ki shu wan tang da ka jingbym banse.
La sngewdei ban ai jingmut ïa ki nongwan pyntip lyngba ki bor district ba la kumno kumno ki dei ban pyntip haduh lai tylli ki jaka kata bad kitei ki long ha sdang jong ka shnong(ïew muri), nangta hajan madan ïalehkai phutbol lane marjan ïingmane katholik bad ha kut jong ka surok pwd kaba la khot me kong O lane tieh ïew ïew, ong ka kyrwoh na u samla Everwell Robin Thongni, President jong ka KSU Photjaud Rangthong Unit.
Phi don ban ong eiei?