Pynbna ia 71 tylli ki jaka ban test naphang, na ka khlam covid

Shillong: U Director ka tnad ka tnad ka koit ka khiah u la pynbna ia ki 71 tylli ki bynta jong ki shnong ha baroh kawei ka jylla, kiba ki briew jong ka tnad ka koit ka khiah kin leh ia ka jingtest naphang ki ne ki shnong ki kynthup ia ki 22 tylli ki shnong ha East Khasi Hills District bad kawei ka jaka ha South West Khasi Hills District.

Ki shnong ki ba ki briew jong Ka tnad ka koit ka khiah kin pynlong ia ka jingtest naphang ki long ha East Khasi Hills District ka Cherra Bazaar, ki 3 jaka jong ka Shella Bolaganj, Ka Mawsynram, Mawphlang, Balat, Mawkynrew, Laitkor, Mawiong, Pynursla , Nonglyer, Mawtawar, Meghalaya Sectt, Mawlai , Assam Rifles, Laban, ki 2 jaka jong ka Mawryngkneng, Happy Valley, Rynjah, Iewduh.

Ha South West Khasi Hills District kin pynlong ia Ka jingtest naphang ha Mawkyrwat.Ha West Khasi Hill District 2 tylli ki shnong kynthup ia ka Mairang bad ha Nongstoin, ha RiBhoi District 8 tylli ki Shnong kynthup ia ki 5 jaka ha Umsning bad 3 jaka ha Umling.

Ha East Jaintia Hills District 7 tylli ki shnong kynthup ia ki 2 tylli ki jaka ha Khliehriat, Lumshnong, sookilo, Ladrymbai,Umkiang ,Umpleng.Ha West Jaintia Hills District 5 tylli ki shnong kynthup ia ka Jowai, Amlarem, Pharamer, Iaiong, Thadlaskein. East Garo Hills District 4 tylli ki shnong kynthup ia ka Rongjeng Bazaar, Songsak, Dobu, William nagar.Ha West Garo Hills District 4 tylli ki Shnong kynthup ia ki Rongram, Lower Chanmari, Dadenggiri, Tikrikilla.Ha North Garo Hills District 3 tylli ki shnong kynthup ia ka Mendipathar, Kharkutta Market, bad Ka Bajengdoba. Ha South Garo Hills District 4 tylli ki shnong kynthup ia ki 2 tylli ki jaka ha Bagmara, Chokpot Rongara. Ha South West Garo Hills District 5 tylli ki shnong kynthup ia ka Betasing, Garobadha, Ampati Market,Teporpara bad ka Mahandraganj.