Pynbna Containment area, ia ki 16 tylli ki ingbriew bad 2 tylli ki lynti shnong

Shillong: Ka Deputy Commissioner jong ka East Khasi Hills District ka la pynmih ia ka jingpynbna Containment Areas ia ki 2 tylli ki lynti shnong bad ia ki 16 tylli ki ing briew kine ki ingbriew ki dei ki ba don ha Pynthorbah, Mawpat bad Nongmynsong Dongkamon.

Ha kane ka jingpynbna ka Deputy Commissioner, ka la pynbna Containment Area ia ki ing ki ba don ha Nongmynsong Dongkamon, ha ka na don 5 tylli ki ing ki ba la shah pynbna Containment Area kine ki ing ki kynthup ia ka ing jong u Roshan Chetri, ka Laxmi Mizal, u Guatam Rai, ka Sony Joshi bad ka Savitry Thapa.

Ha Pynthorbah ka Deputy Commissioner ka la pynbna Containment Area ia baroh ka wei ka lynti iaid ka ba leit sha Saint Nanak School ha Pynthorbah. Ka lynti na Bhogee Chaudary sha duh ka Bridge hajan ka Bilco School, Pynthorbah bad baroh ki 5 tylli ki ing ki ba don ha jan lynti jong ka Shiv Mandir Block-2 jong ka Pynthorbah kum ka containment area.

Ha Mawpat ka Deputy Commissioner ka la pynmih ia ka jingpynbna ba la ithuh ia ki 6 tylli ki ing kum ki containment area, kine ki ing ki dei jong i kong Kristina Kharkongor,u bah Pangsngait Syiem, ka kong Armillian Syiem, ka kong Syrpailin Khatir ki ba hap ha circle-I, bad ki ing ki ba hap ha circle-III ki ing jong ka kong Baleisha Pyngrope bad ka kong Pulsylinda Marbaniang.