Pynbiang kali ka sorkar ia ki ba thmu leit sumar sha bar jylla

Shillong: Ka sorkar Meghalaya mynta ka sngi ka la rai ban pynbiang kali iaki ban leit buh sha kad lengsuin bad station rel Guwahati paidbah ka jylla kiba thmu ban leit phah sumar sha bar jylla.

“Na ka liang ka sorkar ka thmu ban pynbiang ia ki kali na ka bynta ban leit buh iaki paidbah sha kad lengsuin bad station rel ia kiba thmu ban leit phah sumar sha bar jylla, hynrei ki paidbah ki hap ban siew ia ka bai kali” la bynrap u bah Prestone Tynsong.

Na ka liang u symbud myntri rangbah u la iathuh ruh ba ka sorkar, ka la thung iaki ophisar naka tnat Transport na ka bynta ban khmih ia ka jing pynbeit kali naka bynta ki paidbah ba thmu ban leit phah sumar shabar. U bah Prestone Tynsong u la iathuh ruh ba ka sorkar ka la thung iaki ophisar bad ki paidbah ki dei ban phone haki number ba la ai harum kynthup ia u District Transport Officer (DTO) Shillong (8787561584), DTO Tura (7005531765), Inspector of MVI (8787761147) bad ia u Enforcement Tura (9774706399).