Pynbiang bus, ba khang shnong HNLC

Shillong, 18 Risaw:
Khnang ban pynthikna ba ki ophis kin iaid beit ha ki ar sngi ba khot pynlong pakhang shnong ka seng lehnoh HNLC, ka sorkar ka la pynbna ba kan pynbiang ia ki bos ban iaid na kylleng ki jaka ha sor Shillong.
Ki bus ban pyniaid kin ieng ha man ki jaka bad kin iaid ha kylleng ki jaka jong ka nongbah Shillong naduh ka por 9:30 baje mynstep. Ki jaka ba la buh kin iaid ka long Happy Valley, Madanrting, Nongthymmai, St Edmund, Dhankheti, Barik, IGP, Rynjah, Pohkseh, Nongrim Hills, Laitumkhrah, Mawiong, Mawlai Mawdatbaki, Mawroh, Goflink, Polo, Mawprem, Motphran, Khyndai Lad, Kashari, Laban, Nongmensong, Demseiniong, Polo, Jawiaw, Riatsamthiah, Umsohsun, Malki, Lawsohtun, Lumparing, Lummawbah, Mawpat, Langkyrding, Lumshyiap, Pynthorbah.
Ha ka jingpynbna ba la pynmih da u duputy commissioner ka East Khasi Hills, la pyntip ruh ba ki bus kin iaid na kitei ki jaka khnang ban kit ia ki nongtrei sorkar ha kitei ki ar sngi kynthih.
Ka HNLC ka la khot pakhang shnong 36 kynta naduh ka 6 baje mynstep ka 21 tarik haduh ka 6 baje janmiet ka 22 tarik ban pyrshah ia ka jingiuh kjat u President ka ri u Pranab Mukherjee ha kane ka jylla.