Pynbeit noh ia ka jingeh ki nongdie madan, ong ka UDP

Shillong, 15 Nohprah:
Ka UDP ka la ong ba ka jingmih ka kynrum kynram hapdeng ka sorkar bad ki nongdie madan, lah ban pynbeit lada ka sorkar ka khot ia ki nongdie madan ban long dkhot lang ha ka Town Vending Committee.
Ha ka kyrwoh, u Vice President ka UDP u Bah Allantry Franklin Dkhar u la ong ba ka sorkar ka dei ban shim khia ban peit ia ki jaka ban buh ia ki nongdie madan ban lait na ki nongiaid nongieng.
Ha ka por ba long Myntri Rangbah u Bah E K Mawlong ba ialam da ka UDP, ka sorkar ka la ioh ia ka jaka ki shipai ban pyndonkam ia ki paidbah ha karkhana dieng u Bawri ha thain Karikhana ha kaba la shna ia ka jaka ieng kali bad kum kane ka lad dei ban leh ban ai jaka ia ki nongdie madan.
Ka sorkar ka dei ban wad ia ki jaka ba biang ban buh ia ki nongdie madan kloi katba lah khnang ban lait na ka jingkynrum kynram bad ka jingeh ia ki nongdie madan, la ong ka UDP.