Pynbeit kali ka tnad pulit

Shillong, 30’lyngkot:
Ban pynkylluid ia ka surok bah NH bad ki surok shnong , ka tnad pulit ka Sadar Police ka la pyntip ba yn pyniaid thymmai ia ki kali na Hopkinson Road, Jacob’s Ladder Road bad Boyce Road ha ka taiew nyngkong jogn u rymphang shuwa ban sdang skul biang.
Yn ym shah ban iaid na Don Bosco Square sha St. Stephan’s Hall bad Jacob’s Ladder Road. Baroh ki kali dei ban iaid na Lower Lachummiere jan ophis DIPR sha Hopkinson Road bad mih ha   Don Bosco Square. Kiba iaid na St. Anthony’s College lyngba ka Jacob’s Ladder kin mih ha Don Bosco Square. Yn ym shah iaid na Shillong Commerce College sha St. Mary’s College.
Baroh ki kali kin mih na Don Bosco Square sha Shillong College – Shillong Commerce College lyngba ka Boyce Road.
Kali ba wan na Laitumkhrah bad Upland Road kin mih lyngba ka Don Bosco Square – St. Mary’s College – Shillong Commerce College , yn ym sha ban khun sha ka mon ia ki kali ba wan na Jacob’s Ladder bad St. Stephan’s Hall Road ban leit sha Dhankheti, ki dei ban iaid beit sha Laitumkhrah. Kiba shong basah ha Hopkinson Road ki lah ban mih na Lower Lachummiere.
Ba wan na B. K. Bajoria ban leit sha Laitumkhrah hap ba iaid lyngba ka Jacob’s Ladder Road  sha Don Bosco. Lada don kiba kwah ban pynshai ia kane ki lah ban phone sha u Addl. Superintendent of Police (Traffic), Shillong ha u Mobile No. -9856088886.