Pynbeit kali Jingiaseng Synod

Shillong, 9 Lber:
Namar ka Jingia-seng Khasi Jaintia Presbyterian Synod Sepngi ka ban long ha Mawlai Umshing ha ka 12 tarik mynta u bnai, ki pulit ki la pynbeit ia ka lynti iaid ki kali bad ki jaka pynieng kali.
Ki jaka pynieng kali rit kin long ha Madan Shnong Mawroh, Khlaw Syiem Lad Sanker Hospital, madan Polytechnic, surok na Umjarain sha Mawtawar, hapoh NEHU, na bynta kali heh ki bos ne ki trok ka jaka ieng kan long ha K.V School hapoh NEHU hajan Gate No.1.
Na bynta ki kali ba iaid na baroh arliang ka surok NEHU Gate No.1 haduh Gate No.3 la pynbeit ba kiba wan na Umshing ban leit sha Mawtawar kin hap ban rung na Gate No.1 bad mih Gate No.3, kiba wan na Mawtawar ban leit sha Umshing kin rung tang na Gate No.3 bad mih na Gate No.1.
Ki kali ba wan na Lad Umshing ym shah ban leit sha Umsohkhlur, ba wan na Lad Umshing ym shah ban leit sha Umshingiar.
Ki kali ba la rung hapoh ki jaka jingiaseng yn ym shah mih shuh tad haduh ban da wai jingiaseng, la bthah ia baroh ki kali jingiaseng ban bud beit bud ryntih ia ki kyndon pynbeit kali, kane ka long katkum ka jingpyntip na u SP ka East Khasi Hills u bah M.Kharkrang.