Shillong:U Myntri Rangbah duh jong ka ri u Narendra Modi, ha ryngkat u Myntri ka tnat kam pohïing u Amit Shah kin wan jngoh ia ka nongbah Shillong, ha ka 7 tarik lber 2023 na bynta ka jing pyntian smai ia u myntri rangbah ba thymmai jong ka jylla Meghalaya bad ka ka kynhun myntri ba thymmai ha Raj Bhavan Shillong.
Kum shi bynta ban pyniaid beit iaid ryntih bad ai jing shngaiñ ia kine ki VVIPs bad ban pynsuk ia ki paidbah katto katne ki surok yn ym Shah ban iaid kali (No Entry) ha kito ki surok ba ki VVIPs ki iaid lyngba ha ka 7 tarik lber 2023.
Ha 7 tarik lber 2023(sngi-ba-ar), kine ki surok la mana ban iaid nadub ka por 10.20 (A.M) baje mynstep haduh ka por 12.30 baje janmiet.
Kitei ki kynthup, naduh 7-mer sha jingkieng Umshypi/ Rilbong point, na khlieh-iew/Murgi-Bazar, Upper -Shillong bad Anjalee,Petrol pump,Civil Hospital ,IGP Point,Kachari bad Raj Bhavan, na Mahavir park, jingkieng umshypi bad Anjalee Petrol pump, na Police Bazar -Kachari point-Raj-bhavan, na CS Junction sha Rajbhavan, na St Anthony College,sha Gurudwara -Air junction, na pinewood sha Rajbhavan, na Lachumiere sha Air junction -Rajbhavan, na Barik point sha Civil Hospital.
La buh ruh ka jingkyrpad ia ki paidbah nong shong shnong ba kin ym mih than lada kim donkam, lait noh tang ha ki kam ba donkam bad pang shitom.
ngi ba kamai taxi pat hap ialeh kumno sir.