Nongstoiñ: Ka lympung kynjatbol kaba la tip kum ka 2nd Invitation Knock Out Football Tournament 2018-19, ka la nang jam sa sha ka wat kaba ar bad ka jingiakhun kaba nyngkong ka la long hapdeng ka Laban SC pyrshah ia ka Nongrim Hills SC ha kaba ka Laban ka la ioh ban khur ia ka jingjop.
Haba phai sha katei ka jingiakhun jong katei ka wat kaba la long ha ka sngi saitjain jong ka taiew ba la dep ka jinglah jong ka Laban SC ban khur ia katei ka nam jop ka la wan hadien ba ka la lah ban pynliem noh da 4 kol la 1 ia ka Nongrim Hill SC.
Shuh shuh ia kitei ki 4 tylli ki kol jong ka Laban SC la ioh ban thep da u Damonmi Dkhar ha ka minit kaba 55, 88 bad u Arkwis Wanniang ha ka minit kaba 70 bad u Bickyson Kharkongor ha ka minit kaba 73.
Ia ka nam man of the match ha katei ka jingiakhun la ioh ban khur da u Arkwis Wanniang na ka Laban. Ka jingialehkai ka ban bud ha ka pre Quarter final kan long hapdeng la Marbisu FC pyrshah ka Assam Regimental FC ha ka por 1:30 nohphai sngi.